ئه‌ڤرو سپێدێ 30/4/2015 به‌رێز فه‌رهاد ئه‌مین ئه‌تروشی پارێزگه‌رێ دهوكێ پێشوازیا مه‌تران میخائیل مه‌قدسی مه‌ترانێ ئه‌لقوش و شاندێ دگه‌لدا كر ,
دهه‌ڤدیتنه‌كێ دا ب ئاماده‌بونارێڤه‌به‌رێ ناحیا ئه‌لقوش ونه‌زیر به‌رچی به‌رپرسێ لژنا ناوجا ئه‌لقوش یا پارتی به‌حسێ سه‌روبه‌رێ ده‌ڤه‌رێ ژلایێ ئیمناهیێ و پێدڤی و كێم و كاسیێن ده‌ڤه‌را ئه‌لقوش ژ پروژێن خزمه‌تكاری یێن گرێدای ژیانا روژانه یا وه‌لاتیان هاته كرن ,
مه‌ترانێ ئه‌لقوش ب كورتی ئاماژه كره وان پێدڤیێن گرنگ یێن خه‌لكێ ده‌ڤه‌را ئه‌لقوش پێدڤی پێ هه‌ی وه‌كی رێك و ئاڤ و كاره‌ب و پاراستنا ده‌خل و دانێ وان ژ سوتنێ و ئاسانكاریێن روژانه بو برێڤه‌برنا كاروبارێن وه‌لاتێن ده‌ڤه‌را ئه‌لقوش ل سنورێ پارێزگه‌هێ ,
ژلایێ خوڤه پارێزگه‌رێ دهوكێ ته‌ئكید كر ئه‌وا دشیان دا بیت و لدیف یاسای دێ هاریكاری و بو هێته كرن و پێدڤیێن وان هێنه چاره‌كرن و ده‌رباره‌ی پاراستنا ده‌خل و دانێ جوتیارێن ده‌ڤه‌را ئه‌لقوش پارێزگه‌رێ دهوكێ فه‌رمان دا كر كو تیمێن ئاگر ڤه‌مراندنێ بهێنه ره‌وانه كرن بو پاراستنا ده‌خل و دانی وان جوتیارا و ب هه‌فكاریا هیزا پێشمه‌رگه‌ی خزمه‌تا وان بكه‌ن ,,
دده‌باره‌ی وه‌رگرتنا ده‌خل و دانی جوتیارێن ده‌ڤه‌را وان كو گرێدای پارێزگه‌ها نه‌ینه‌وایه دیار كر كو پێدڤیه ب هه‌فكاریا حكومه‌تا ناوه‌ندی ل به‌غدا ئه‌ف كاره بهێته كرن و مه‌زاختیێن وه‌رگرتنا ده‌خل و دانێ وان ژ باهرا نه‌ینه‌وا بهێنه ته‌رخان كرن داكو پارێزگه‌ها دهوكێ بشێت ده‌خلێ وان وه‌رگریت و پارێ جوتیارا بهێته دابین كرن ژ به‌غدا بو پارێزگه‌ها دهوك بهێته ره‌وانه كرن ,
و بو دابینكرنا جهه‌كێ به‌رفره‌هتر بو ده‌خل ودانێ جوتیارێن پارێزگه‌ها دهوكێ پارێزگه‌رێ دهوك دیار كر كو پارێزگه‌ها دهوكێ پلان هه‌یه بو ئاڤا كرنا هژماره‌كا سایلوا ل ئاكرێ و شێخان و زاخو ,,
و بو چێكرنا پاسپورتا بو ئاوارا بریاره نڤیسینه‌گه‌هه‌كا دی ل سنورێ پارێزگه‌ها دهوكێ بهێته ڤه‌كرن و تایبه‌ت كاروبارێن ئاوارا بكه‌ت دڤی بواری دا ,,.
