ئه‌ڤرو سپێدێ 8/9/2019 به‌رێز فه‌رهاد ئه‌مین ئه‌تروشى پارێزگه‌رێ دهوكێ پێشوازیا به‌رێز كه‌مال محه‌مه‌د سالح وه‌زیرێ كاره‌با هه‌رێما كوردستانێ و شاندێ دگه‌لدا كر
دهه‌ڤدیتنه‌كێ دا ب ئاماده‌بونا هه‌ردو جێگرێن پارێزگه‌رێ دهوكێ و رێڤه‌به‌رێ گشتى یێ كاره‌بێ ل پارێزگه‌ها دهوكێ ب وه‌كاله‌ت به‌راهیێ پارێزگه‌رێ دهوكێ پیروزباهیا وه‌زیرێ كاره‌بێ كر و هیڤیا سه‌ركه‌فتنێ دكارێ ویدا بو خواست و پشته‌ڤانیا كارگێریا پارێزگه‌ها دهوكێ بو سه‌ركه‌فتناكارێ وه‌زیرێ كاره‌بێ دوپاتكر و دیار كر كو ب وه‌رگرتنا ڤى پوستى ژلایێ به‌رێز كه‌مال محه‌مه‌د سالح ڤه پشكا پارێزگه‌ها دهوكێ ژ كاره‌بێ باشتر بویه و داكوكى ل عه‌داله‌ت به‌لافكرنا كاره‌بێ ل هه‌مى پارێزگه‌هان كر و گوت پێدڤیه ل دیف شیانا بزاڤ بهێته كرن هێله‌كا غازا سروشتى بو ئێستگه‌ها به‌رهه‌م ئینانا كاره‌بێ ل كواشێ بهێته دابینكرن داكو ئاریشا كاره‌بێ بهێته چاره‌كرن ,
ژلایێ خو ڤه وه‌زیرێ كاره‌بێ سوپاسیا پارێزگه‌رێ دهوكێ و كارگێریا پارێزگه‌هێ كر بو پشته‌ڤانیا وان ل كارێ وى و هیڤى خواست كو بشێت پا پێدڤى بو خزمه‌تكرنا هه‌مى خه‌لكێ هه‌رێما كوردستانێ دبیاڤێ كاره‌بێ دا بكه‌ت و دیار كر كو دڤان دوو هه‌یڤا دا سه‌روبه‌رێ كاره‌بێ باشتر بویه و بهایێ ئه‌مپێرێ كاره‌با موه‌لیدا ژى هاتیه كێمكرن و گوت یا ل سه‌ر ملێت من دشیانێن مندا بیت بو نه‌هێلانا ئاریشا كاره‌بێ ل سه‌رانسه‌رى هه‌رێمێ دێ بزاڤێ بو كه‌م ,,
