ئه‌ڤرو سپێدێ 16/ 9/ 2019 خاتوون( كوێستان محمد) وه‌زیرا كار وكاروبارێن كومه‌لایه‌تى وشاندێ دگه‌لدا سه‌ر كوچكا پارێزگه‌ها دهوك دا ژلایێ به‌رێز فه‌رهاد ئه‌مین ئه‌تروشى پارێزگه‌رێ دهوكێ پێشوازى لێ هاته كرن .
دهه‌ڤدیتنه‌كێدا ب ئاماده‌بونا به‌رێزان ماجد سه‌ید صالح جێگرێ پارێزگه‌رێ دهوكێ ب وه‌كاله‌ت واسماعیل محمد احمد هاریكارێ پارێزگه‌رى بو كاروبارێن ئاواره وپه‌نابه‌ران به‌حسێ ره‌وشا پارێزگه‌هێ و دام وده‌زگه‌هێن وه‌زاره‌تا كار وكاروبارێن كومه‌لایه‌تى وئه‌و خزمه‌تا پێشكێشى وه‌لاتیان دكه‌ن بگشتى هاته كرن.
وه‌زیرا كار وكاروبارێن كومه‌لایه‌تى دیاركر كو ئه‌و وه‌كو شاندێ وه‌زاره‌تا كار هاتینه پارێزگه‌ها دهوكێ دا ره‌وشا دام وده‌زگه‌هێن سه‌ر ب وه‌زاره‌تا كار ژنێزیك ببین وهه‌موو كێم وكاسیێن فه‌رمانگه‌هان بزانن ویا دشیان دا بو بكه‌ن وداخاز ژپارێزگه‌رێ دهوكێ كر كو هاریكارى وهه‌ڤكاریێ دگه‌ل سازیێن وه‌زاره‌تا وان بكه‌ت دا بره‌نگه‌كێ باشتر خزمه‌تا وه‌لاتیان بكه‌ن.
ژلایێ خوڤه پارێزگه‌رێ دهوكێ خوشحالیا خو ب سه‌ره‌دانا شاندێ ناڤبرى دیاركر وته‌كه‌زكر كو ئه‌و خزمه‌تا فه‌رمانگه‌هێن وه‌زاره‌تا كار وكاروبارێن كومه‌لایه‌تى ل سنورێ پارێزگه‌ها دهوكێ پێشكێشدكه‌ن زور یا گرنگه ویا فه‌ره وه‌زاره‌تا كار ژى پشته‌ڤانیه‌كا باش ل فه‌رمانگه‌هێن وه‌زاره‌تێ بكه‌ت بو وێ یه‌كێ ئاستێ خزمه‌تكرنێ پتر بهێته پێشئێخستن وپشته‌ڤانیا پارێزگه‌هێ نیشان دا بو هه‌ر هاریكاریه‌كێ .
