پیرۆزبایی
ب هه‌لكه‌فتا هاتنا جه‌ژنا قوربانێ یا پیرۆز بناڤێ خو و كارگێریا پارێزگه‌ها دهۆكێ پیرۆزباییان ل هه‌موو وه‌ڵاتیێن پارێزگه‌هێ و كوردستانێ و خێزانێن سه‌ربلندێن شه‌هیدان و ل پێشمه‌رگێن قه‌هره‌مان ل سه‌نگه‌رێن به‌ره‌ڤانیێ و هێزێن ئێمناهیێ یێن نافخویى ل سنورێ پارێزگه‌هێ دكه‌ین.
هه‌روه‌سا پیرۆزبایێ ل تیمێن ساخله‌میێ یێن كو ب ئه‌ركێ پاراستنا ژیانا وه‌لاتیان ژپه‌تایا كۆرونایێ رادبن دكه‌ین و ژ خه‌لكێ خو یێ خوشتڤى دخازین پتر خو ب پارێزێن و باشتر رێنمایێن ته‌ندورستى بجه بینن و كێمتر به‌ركه‌فتنێ بكه‌ن بۆ وێ یه‌كێ جه‌ژنه‌كا خوش و ئارام ده‌ربازكه‌ن … هیڤیدارین جه‌ژنا قوربانێ یا ئه‌ڤ ساله ببیته جه‌ژنا برایه‌تى و پێكڤه ژیانێ و هه‌ڤدوو قه‌بولكرنێ ونه‌مانا هه‌موو قه‌یرانان .
دوباره جه‌ژنا قوربانێ ل هه‌موویان پیرۆزبیت و هه‌ر دخێر و خوشیادابن.
د.على تەتەر
پارێزگه‌رێ دهوكێ
30-7-2020
