ئه‌ڤرۆ سپێدێ 26-11-2020 به‌رێز د.على ته‌ته‌ر پارێزگه‌رێ دهۆكێ پێشوازیا (قه‌شه مارتن ) به‌رپرسێ رێخراوا (تایێ مێوێ) یا هوله‌ندى ل كوردستانێ و ( یاگوب هوگمان) روژنامه‌ڤانێ هوله‌ندى كر.
دهه‌ڤدیتنه‌كێدا به‌حسێ ره‌وشا ئاواره وپه‌نابه‌ران وخه‌لكێ خو جهێ پارێزگه‌هێ وئه‌و هاریكاریێن رێكخراوا ناڤبرى پێشكێشدكه‌ن وبه‌رنامێن نوو یێن رێكخراوێ ب گشتى هاته كرن.
پاش روژنامه‌ڤانێ هوله‌ندى چه‌ندین پرسیار ل سه‌ر ره‌وشا خوجهێن پارێزگه‌هێ وئاواره وپه‌نابه‌ران وئه‌و هاركاریێن حكومه‌تا هه‌رێما كوردستانێ پێشكێشدكه‌ت ئاراسته‌ى پارێزگه‌رێ دهۆكێ كرن.
پارێزگه‌رێ دهۆكێ سوپاسیا رێكخراوا ناڤبرى كر وب رێكا وان سوپاسیا حكومه‌ت وخه‌لكێ هوله‌ندا كر ل دور ئه‌و هاریكاریێن بو ئاواره وپه‌نابه‌ران وخوجهێن پارێزگه‌هێ كرین وداخازكر كو رێكخراووا تایێ مێوێ قه‌بارێ هاریكاریێن پتر لێ بكه‌ت وبه‌رهه‌ڤیا پارێزگه‌هێ نیشان دا بو هه‌ر هه‌ڤكاریه‌كێ .
هه‌ژى گوتنێ یه رێكخراوا ناڤبرى ل ده‌مێ ده‌ربازبوى پتر ژ(50) ترومبێلێن بارهلگر یێن جل وبه‌رگ وئاهێن خارنێ ژهوله‌ندا گه‌هاندبون پارێزگه‌هێ و80% ژوان پێدڤیا ل سه‌ر خه‌لكێ دهۆكێ وده‌روبه‌ران به‌لاڤكربون هه‌روه‌سا ناپێژى ل ناڤ سێ كه‌مپا ڤه‌كربون ونان بێ به‌رامبه‌ر پێشكێشى ئاواره‌یان دكر وچه‌ندین خولێن سه‌رتراشینێ ودورین وجوانكاریێ ژى ل ناڤ كه‌مپا ڤه‌كربوون وكه‌لوپه‌لێن خواندنێ بو پتر ژ(10) قوتابخانا دابینكربوون.
