ئه‌ڤرو به‌رى نیڤرو 6/7/2020 به‌رێز د.على ته‌ته‌ر پارێزگه‌رێ دهوكێ كومبونه‌ك دگه‌ل رێڤه‌به‌ر وئه‌فسه‌رێن هێزێن وه‌زراه‌تا نافخویى ل سنورێ پارێزگه‌هێ سازكر.
دكومبنێدا به‌حسێ ره‌وشا ئێمناهیێ ل پارێزگه‌هێ وسه‌ره‌ده‌ریا روژانه یا هێزێن نافخویى دگه‌ل وه‌لاتیان وچاوانیا بجهئینانا بریار ورێنمایێن خو پاراستنێ ژڤایروسێ كورونا ب گشتى هاته كرن .
پارێزگه‌رێ دهوكێ ته‌كه‌زكر كو دڤێت ده‌زگه‌هێن ئێمناهیێ ب هویربینى هه‌موو رێنما وبریارێن حكومه‌تێ ل دوڤ یاسایێ وب یه‌كسانى بجهبینن و بره‌نگه‌كێ شارستانى سه‌ره‌ده‌ریێ دگه‌ل هاولاتیان بكه‌ن وخزمه‌تا وان بكه‌ن .
هه‌روه‌سا گوت : خه‌لكێ پارێزگه‌هێ یێ ملكه‌چه بو بجهئینانا بریارێن حكومه‌تا هه‌رێمێ وئه‌م سه‌ربلندین ب وان له‌ورا خه‌لكێ مه یێ هه‌ژیه مروڤ پتر خزمه‌تا وان بكه‌ت وخواست كو هه‌موو فه‌رمانگه‌ه وه‌كو ئێك تیم كاربكه‌ن وخزمه‌تا وه‌لاتیێن پارێزگه‌هێ بكه‌ن وپشته‌ڤانیا خو نیشان دا بوبه‌رقراكرنا ئێمناهیێ ل سه‌نسه‌رى پارێزگه‌هێ .
