ب مه‌ره‌ما گه‌هاندنا سوپاسى وده‌ست خوشیێ ل رێڤه‌به‌ر وكارمه‌ند وتیمێن كارى یێن رێڤه‌به‌ریێن ساخله‌میێ وپولیس وپولیسێن هاتن وچونێ ئه‌ڤرو سپێدێ 5/7/2020 به‌رێز د.على ته‌ته‌ر پارێزگه‌رێ دهوكێ ب یاوه‌ریا به‌رێز ماجد سه‌ید صالح جێگرێ پارێزگه‌رێ دهوكێ ب وه‌كاله‌ت جودا جودا سه‌ره‌دانا رێڤه‌به‌ریا گشتى یا ساخله‌میێ ورێڤه‌به‌ریا پولیسێن دهوكێ ورێڤه‌به‌ریا پولیسێن هاتن وچونێ ل پارێزگه‌ها دهوكێ كر ژلایێ رێڤه‌به‌ر وكارمه‌ندێن رێڤه‌به‌ریێن ناڤبرى پێشوازى لێ هاته كرن.
ل ده‌ست پێكێ ل رێڤه‌به‌ریا گشتى یا ساخله‌میێ ل پارێزگه‌ها دهوكێ د.على ته‌ته‌ر پارێزكه‌رێ دهوكێ بناڤێ حكومه‌تا هه‌رێما كوردستانێ وكارگێریا پارێزگه‌هێ ده‌ست خوشى ل رێڤه‌به‌ر ونوشدار وهه‌موو كارمه‌ندێن ساخله‌میێ كر كو ب دلسوزى و وه‌فادارى خزمه‌تا خه‌لكێ پارێزگه‌هێ كریه وپه‌سنا كارێ وان كر كو ل سه‌نگه‌رێن پێشیێ به‌رهنگاریا ڤایروسێ كورونا كریه ونه‌هێلایه ئه‌ڤ نه‌خوشیه پتر به‌لاڤ ببیت وگوت: ئه‌ڤ خزمه‌تا وان كرى كاره‌كێ مروڤایه‌تى ونیشتمان په‌روه‌رى یه وجهێ سوپاسى ورێزگرتنێ یه .
پاش پارێزگه‌رێ دهوكێ ل رێڤه‌به‌ریا پولیسێن دهوكێ دگه‌ل رێڤه‌به‌ر وپله‌دارێن رێڤه‌به‌ریێ كومبو و بناڤێ حكومه‌تا هه‌رێما كوردستانێ وكارگێریا پارێزگه‌هێ ده‌ست خوشى ل رێڤه‌به‌ر وهه‌موو پله‌دارێن رێڤه‌به‌ریا پولیسا كر هه‌مبه‌ر ئه‌و كار وخزمه‌تا وان پێشكێشكرى بو به‌رهه‌نگاربونا ڤایروسێ كورنا وبجه ئینانا رێنما وبریارێن ژورا ئوپه‌راسیونا ل پارێزگه‌هێ وپاراستنا ئێمناهیا هاولاتیێن ده‌ڤه‌رێ .
پارێزگه‌رێ دهوكێ ته‌كه‌زكر كو دڤێت ده‌زگه‌هێن ئێمناهیێ ب هویربینى هه‌موو رێنما وبریارێن حكومه‌تێ ل دوڤ یاسایێ بجه بینن و ب یه‌كسانى وبێ جیاوازى خزمه‌تا هه‌موو هاولاتیان بكه‌ن ، وپشته‌ڤانیا پارێزگه‌هێ نیشان دا بوبجه ئینانا هه‌موو بریار ویاسایان.
ل دوماهیێ پارێزگه‌رێ دهوكێ سه‌ره‌دانا رێڤه‌به‌ریا پولیسێن هاتن وچونێ كر وگه‌ریانه‌ك ل ناڤ پشك وجهێن خزمه‌تكرنێ كر وژنێزیك سه‌حكره چاوانیا برێڤه‌به‌رنا مامه‌لێن هاولاتیان .
پاش پارێزگه‌رێ دهوكێ دگه‌ل رێڤه‌به‌ر وئه‌فسه‌رێن رێڤه‌به‌ریێ كومبو وبناڤێ حكومه‌تا هه‌رێما كوردستانێ وكارگێریا پارێزگه‌هێ ده‌ست خوشى ل رێڤه‌به‌ر وهه‌موو ستافێ كارى كر كو هه‌ر ژده‌ست پێكا په‌یدابونا ڤایروسێ كورونا تیمێن پولیسێن هاتن وچونێ ب رێك وپێكى هه‌موو رێنما وبریارێن وه‌زاره‌تا نافخو وساخله‌میێ وژورا ئوپه‌راسیونا ل پارێزگه‌هێ بجه ئیناینه.
هه‌روه‌سا په‌سنا وان ئاسانكارى وخزمه‌تكاریا كر یێن پولیسێن هاتن وچونێ بو خه‌لكێ پارێزگه‌هێ پێشكێشدكه‌ن بو برێڤه‌برنا ماملێن وه‌لاتیان وگوت ئه‌ڤ كار وخزمه‌ته زور دپێشكه‌فتى نه و جهێ دلخوشیێ نه وته‌كه‌ز كر كو دڤێت یاسا سه‌روه‌ربیت ودهه‌موو بیاڤێن خزمه‌تكرنێ بهێته چه‌سپاندن وپشته‌ڤانیا پارێزگه‌هێ نیشان دا بو هه‌ر هاریكاریه‌كێ.
