ب مه‌ره‌ما دووڤ چونا پرۆژێن خزمه‌تگوزارى وپێدڤیێن خه‌لكێ ده‌ڤه‌رداریا ئاكرێ ئه‌ڤرۆ سپێدێ 25-11-2020 به‌رێز د.على ته‌ته‌ر پارێزگه‌رێ دهۆكێ سه‌را ئاكرێ دا ژلایێ مازن سه‌عید ده‌ڤه‌ردارێ ئاكرێ ورێڤه‌به‌رێن فه‌رمانگه‌هێن میرى پێشوازى لێ هاته كرن.
ددكۆمبوونه‌كێدا ده‌ڤه‌ردارێ ئاكرێ ورێڤه‌به‌رێن فه‌رمانگه‌هێن میرى راپورت ل دور كێم و وكاسیێن فه‌رمانگه‌ها وپێدڤیێن خه‌لكێ ئاكرێ ب پرۆژێن خزمه‌تگوزارى به‌رچاڤكرن.
پارێزگه‌رێ دهۆكێ دیاركر كو ل دووڤ راسپاردێن سه‌روكێ حكومه‌تا هه‌رێما كوردستانێ ئه‌م هاتینه دا ژنێزیك هه‌موو كێم وكاسیان وپێدڤیێن خه‌لكێ ده‌ڤه‌رێ ب پرۆژێن خزمه‌تگوزارى بزانین ویا دشیاندا بو ئه‌نجامده‌ین نه‌خاسمه ئه‌و پرۆژێن فه‌ر وگرێداى ب ژیانا رۆژانه یا هاولاتیانڤه.
پاش پارێزگه‌رێ دهۆكێ ویێن دگه‌لدا جودا جودا سه‌را ڤان جه وپرۆژان دا:-
پرۆژێ ئاڤاكرنا فه‌رمانگه‌ها پاسه‌پورتا ل ئاكرێ ، كو ئێكه ژپرۆژێن نیڤه‌رو وكابینا نوو یا حكومه‌تا هه‌رێمێ كوژمه‌كێ تایبه‌ت ته‌رخانكریه بو تومامكرنێ ، پرۆژه ل سه‌ر روبه‌رێ 3هزار مترا دهێته ئاڤاكرن و85% هاتیه بجهئینان وبریار ئه‌وه ل ده‌ست پێكا ساڵا نوو ب دوماهى بهێت.
سه‌ره‌دانا قشلا شونوارى كو به‌رى نوكه حكومه‌تا هه‌رێما كوردستانێ كوژمه‌كێ پاره‌ى بو نوژه‌نكرنا قشلێ تره‌خانكربوو وهنده‌ك هاتیه نوژه‌كرن وهند ژى پێدڤى ب نوژه‌نكرنێ یه ، پاش سه‌ره‌دانا بازارێ مللى ل ناڤ سه‌نته‌رێ باژێرێ ئاكرێ كر وژنێزیك هایدارى ره‌وشا خه‌لكێ بازارى وبجهئینانا رێنمایێن خو پارێزیێ ژ ڤایروسێ كورونایێ بوو.
سه‌ره‌دانا پرۆژێ ئاڤا ئاكرێ یێ ستراتیجى ل سه‌ر روبارێ زێى وژنێزیك سه‌حكره قوناغێن بجهئینانێ هه‌ژى گوتنێ یه حكومه‌تا هه‌رێما كوردستانێ ل ساڵا 2013ێ ده‌ست ب ئه‌نجامدانا پرۆژه‌ى كریه وژبه‌ر قه‌یرانا دارایى پرۆژه هاتبو گیروكرن وكابینا نوو یا حكومه‌تا كوردستانێ كوژمێ(18) ملیار دیناران ته‌رخانكرینه بو توماكرنا پرۆژه‌ى وكوژمێ گشتى یێ پرۆژه‌ى دگه‌هیته (110) ملیار دینارا 62% هاتیه ئه‌نجامدان درێریا پرۆژه‌ى 42كم خه‌لكێ سه‌نته‌رێ ئاكرێ و18گوندێن ده‌وروبه‌ر دێ مفاى ژێ وه‌رگرن.
ل دور سه‌ره‌دانێ پارێزگه‌رێ دهۆكێ گوت: ئه‌م هاتینه دا ژنێزیك پێدڤیێن خه‌لكێ ده‌ڤه‌رێ یێن فه‌ر بزانین وه‌كو ئاڤ ورێك وخزمه‌تگوزاریێن دى ومه سه‌ره‌دانا هنده‌ك جه وپرۆژا كر وسه‌روكێ حكومه‌تا كوردستانێ رازیبونا خو دیاركریه بو تومامكرنا هنده‌ك پرۆژێن فه‌ر وماینه نیڤه‌رو وه‌كو پرۆژێ ئاڤا ئاكرێ كو پاره بو هاتیه ته‌رخانكرن ودماوێ نێزیكى ساله‌كێدا دێ كه‌ڤیته دخزمه‌تا خه‌لكێ ده‌ڤه‌رێ دا .
هه‌روه‌سا ته‌كه‌زى ل سه‌ر بجهئینانا پرۆژان ب شێوه‌كێ بله‌ز وبكوالیتیه‌كا باش كر.
