بو دوڤ چونا ره‌وشا هاولاتیان وچاوانیا بجهئینانا رێنمایێن خو پارێزیێ ژلایێ هاوڵاتیانڤه ئه‌ڤرۆ به‌رى نیڤرو 5/11/2020 به‌رێز د. عه‌لى ته‌ته‌ر پارێزگه‌رێ دهۆكێ سه‌را ده‌ڤه‌رداریا سێمێلێ دا ژلایێ حسێن خالد ده‌ڤه‌ردارێ سێمێلێ پێشوازى لێ هاته كرن .
دهه‌ڤدیتنه‌كێدا ده‌ڤه‌ردارێ سێمێلێ راپورته‌ك ل دور پێدڤیێن خه‌لكێ ده‌ڤه‌رێ ژ پرۆژێن خزمه‌تگوزارى به‌رچاڤكر وخواست كو پارێزگه‌رێ دهۆكێ هاریكاربیت بو دابینكرنا وان پروژان.
ژلایێ خوڤه پارێزگه‌رێ دهۆكێ گوت دێ هه‌ولده‌ین پروژێن فه‌ر وگرێداى ب ژیانا خه‌لكیڤه بجهبینین وبێخینه دخزمه‌تا هاولاتیاندا.
پاش پارێزگه‌رێ دهۆكێ ویێن دگه‌لدا سه‌ره‌دانا تیمێن دوڤچونا بجهئینانا رێنمایێن خو پارێزیێ كر وژنێزیك سه‌حكره كارێ وان.
ل دوڤدا سه‌ره‌دانا ناڤه‌ندا بازارێ سێمێلێ كر وژنێزیك سه‌حكره ره‌وشا بازارى وپێگریكرنا هاولاتیان ودوكانداران ب رێنمایێن خو پارێزیێ وته‌كه‌زكر كو پێدڤیه هه‌موو هاولاتى پێگیریێ ب رێنمایێن خو پارێزیێ بكه‌ن وماسك وده‌ستكێشا به‌رده‌وام ب كاربینن وخو ژ نه‌خوشیا كوڤید 19 ب پارێزن .
