ل رۆژا 22/7/2020 به‌رێز د.على ته‌ته‌ر پارێزگه‌رێ دهوكێ سه‌رپه‌رشتیا كومبونا ژورا ئوپه‌راسیونا یا تایبه‌ت ب به‌رهنگاریا ڤایروسێ كورونا كر.
دكومبونێدا گه‌نگه‌شێن تێر وته‌سه‌ل ل سه‌ر ره‌وشا ته‌ندورستى یا پارێزگه‌ها دهوكێ ل دور ڤایروسێ كورونا وچاوانیا بجه ئینانا رێنمایێن وه‌زاره‌تا ساخله‌میێ ونافخو ژبو كونترولكرنا ڤایروسێ كورونا ورێگرتن ل به‌لاڤبونا ڤایروسى هاته كرن .
پارێزگه‌رێ دهوكێ ته‌كه‌زكر كوهه‌موو لایه‌ن وه‌كو ئێك تیم كار وخزمه‌تێ بكه‌ن وهه‌موو رێنما ورێكارێن وه‌زاره‌تا ساخله‌میێ ونافخویى بجه بینن دا ڤایروس بهێته كونترولكرن هه‌روه‌سا هاولاتى ژى پتر پێگریێ ب رێنمایان بكه‌ن دا ساخله‌میا گشتى بهێته پاراستن.
ل دوماهیێ ماجد سه‌ید صالح جێگرێ پارێزگه‌رێ ب وه‌كاله‌ت بو ده‌زگه‌هێن راگه‌هاندنێ ئاخفت وئه‌ڤ رێنمایێن نوو ل دور خو پاراستنێ ودیاركرنا چه‌ند ئاسانكاریا به‌رچاڤكرن:-
هاتن وچون دناڤبه‌را دهوك وهه‌ولێرێ دا دێ ب سیسته‌مێ ئه‌لكترونى ئونلاین بیت وسێ جورێن فورما دێ هه‌بن ، یا ئێكێ بو هه‌ر كه‌سێ بڤێت یا دووێ بۆ نه‌خوشان ویا سیێ بۆ فه‌رمانبه‌ران.
هه‌روه‌سا هه‌ر كه‌سه‌كێ ژهه‌ولێرێ ڤه‌دگه‌ریته دهۆكێ دێ بشكنین بو هێنه كرن .
وهاتن وچون بو تركیا دێ بۆ كه‌سێن پێدڤى بیت وهه‌ركه‌سێ ژتركیا ڤه‌دگه‌ریت دێ بوهایێن بشكنینا ل سه‌ر حسابا وى بیت وچێدبیت سێ جارا بشكنین بو بهێنه كرن یا ئێكێ ل ده‌روازه‌ى ویێن دى ل ساخله‌میا دهوكێ ئه‌گه‌ر پێدڤى كر.
هاتن وچون دناڤبه‌را پارێزگه‌هێن عیراقێ ودهوكێ دێ هه‌ر وه‌كو خو مینیت ول دووڤ رێكارێن پێشوه‌خت.
رێ ورسمێن جه‌ژنێ وه‌كو نڤێژا جه‌ژنێ وخرڤه‌بون ناهێنه گێران وقه‌ده‌غه‌یا هاتن وچونێ ژى ناهێته راگه‌هاندن.
