ئه‌ڤرۆ ئێڤارى 8/7/2020 ل هۆلا كۆچكا مێهڤانداریا به‌رێز د.على ته‌ته‌ر پارێزگه‌رێ دهۆكێ كۆمبوونه‌ك ل گه‌ل رێڤه‌به‌رێن ناحیێن سه‌ر ب قه‌زایێن پارێزگه‌ها دهۆكێ ڤه ئه‌نجامدا .
دكومبونێدا به‌حسێ پێدڤیێن خه‌لكێ ده‌ڤه‌رێ ب پروژێن خزمه‌تگۆزارى وسه‌ره‌ده‌ریا روژانه یا فه‌رمانگه‌هێن میرى دگه‌ل هاولاتیان وچاوانیا برێڤه‌به‌رنا داخازى وماملێن وه‌لاتیان دچارچوڤێ رێنما ویاسایێن حكومه‌تا هه‌رێما كوردستانێ وپێشئێخستنا كارێ رۆژانه ب گشتى هاته كرن .
پارێزگه‌رێ دهوكێ په‌سنا رولێ رێڤه‌به‌رێن ناحیا كر كو یه‌كه‌م سازیا خزمه‌تگوزاریه هاوڵاتى قه‌ست دكه‌نێ وخواست كۆ هه‌موو ئاسانكارى دچارچوڤێ رێنما ویاسایێ دا و بله‌ز ودور ژروتینێ بو برێڤه‌برنا مامه‌لێن هاوڵاتیان بهێنه كرن وداخازیێن نه‌یاسایى بهێنه ره‌دكرن ویاسا ل هه‌ر جهه‌كى سه‌روه‌ربیت.
هه‌روه‌سا گۆت: دڤێت هه‌موو پشته‌ڤانیێ ل به‌رنامێ چاكسازیا حكومه‌تا هه‌رێمێ بكه‌ن وخو ل گله وگازندێن هاولاتیان بكه‌نه خودان و داخازیێن وان لبه‌ر چاڤ وه‌رگرن وبێ جیاوازى هه‌موو خزمه‌تگوزارى بو هاوه‌ڵاتیان بهێنه دابینكرن.
دته‌وه‌ره‌كێ دن دا پارێزگه‌رێ دهۆكێ ئاماژه دا گوهرینا دناڤ سازیێن حكومه‌تا كوردستانێ وگۆت: ئالوگوركرن پروسه‌كا سروشتى وبه‌رده‌وامه ، ئارمانج ژێ ئه‌وه كار وخزمه‌تگۆزارى باشتر بهێنه ئه‌نجامدان وره‌وشا گشتى دهه‌موو بوارێن ژیانێدا بهێته پێشئێخستن.
ل دوماهیێ پارێزگه‌رێ دهۆكێ ته‌كه‌زكر كو هه‌ر ئێك ب دورستى وراستگۆیى ودچارچوڤێ یاسایێن حكومه‌تا هه‌رێما كوردستانێ ئه‌ركێن خو ئه‌نجامده‌ت وخواست كوهاوڵاتى ژى دهاریكار و دبێهن فره‌هبن دگه‌ل سه‌روكێن یه‌كێن كارگێرى دا ئه‌وژى بشێن بره‌نگه‌كێ شارستانى خزمه‌تا وان بكه‌ن وپشته‌ڤانیا پارێزگه‌هێ نیشان دا بو هه‌ر هاریكاریه‌كێ.
