ئه‌ڤرۆ به‌رى نیڤرو 26-11-2020 به‌رێز د.على ته‌ته‌ر پارێزگه‌رێ دهۆكێ پێشوازیا گروپێ (GPV) یێ هه‌ڤشك بو نه‌هێلا توند وتیژیێ ل دژى ئافره‌تان كر.
دهه‌ڤدیتنه‌كێدا به‌حسێ ره‌وشا ئافره‌تان وئه‌نجامدانا هه‌وا نه‌هێلانا توند وتیژیێ ل دژى ئافره‌تان وكار وچالاكیێن ڤێ هه‌وێ بگشتى هاته كرن.
هه‌ر بڤێ هه‌لكه‌فتێ گروپێ (GPV)یێ هه‌ڤشك خه‌لاته‌كێ رێزگرتنێ پێشكێشى پارێزگه‌رێ دهۆكێ كر.
پاش دكونگره‌كێ روژنامه‌نیدا پارێزگه‌رێ دهۆكێ هه‌وا نیشتمانى بو نه‌هێلا توند وتیژیێ ل دژى ئافره‌تان بو ده‌مێ 16رۆژا راگه‌هاند وگوت: ئه‌م وه‌كو حكومه‌تا هه‌رێمێ وپارێزگه‌ها دهۆكێ پشته‌ڤانیێ ل كار وچالاكیێن گروپێ ناڤبرى دكه‌ین چونكو ئافره‌ت ده‌یك وخوشك وكچێن مه‌نه وهه‌ردوو ره‌گه‌ز هه‌ڤدوو تەمامدكه‌ن وپشته‌ڤانیێ ل ماف وئازادیا ئافره‌تێ دكه‌ین.
هه‌روه‌سا گوت: دمێژویا كوردستانێ دا ژنا كورد زور یا ئازا وزیره‌ك بویه وژن بویه میر وسه‌ركرده وروله‌كێ به‌رچاڤ هه‌بویه وئه‌م وه‌كو كابینا 9 یا حكومه‌تا كوردستانێ گرنگییه‌كا تایبه‌ت دده‌ینه مافێن ژنێ ول پارێزگه‌ها دهۆكێ ژى پشته‌ڤانیێ لێ دكه‌ین كو رولێ خو دناڤ ده‌زگه‌هێن میرى دا ببینیت وپوستێن كارگێرى ل سه‌ر ئاستێ رێڤه‌به‌ریا وناوچه‌داریا وده‌ڤه‌رداریا ژى بده‌ینێ چونكو ئافره‌ت نیڤا جڤاكێ كوردستانێ یه .
ل دوماهیێ داخاز ژسازیێن حكومه‌تێ كر كو ل دووڤ رێنمایێن خو پارێزیێ ژڤایروسێ كورونایێ هه‌موو هاریكاریه‌كێ دگه‌ل گروپێ ناڤبرى بكه‌ن بو ئه‌نجامدانا هه‌وا نیشتمانى یا نه‌هێلانا توند وتیژیێ ل دژى ئافره‌تان وسه‌ركه‌فتن بو هه‌موو لایه‌كى خواست.
پاش دكتور ئارام ئه‌تروشى رێڤه‌به‌رێ فه‌رمانگه‌ها نه‌هێلانا توند وتیژیێ ئامارێن ساله‌كێ به‌رچاڤكرن وگوت: 1863 سكالا هاتینه توماركرن ژوانا 1343 هاتینه چاره‌سه‌ركرن بتنێ 312 كه‌یس هاتینه ره‌وانه‌كرن بو دادگه‌هێ و3حاله‌تێن كوشتنێ هاتینه توماركرن.
