ئه‌ڤرۆ نیڤرو 29-7-2020 به‌رێز د.على ته‌ته‌ر پارێزگه‌رێ دهۆكێ پێشوازیا شانده‌كێ زانكۆیا دهۆكێ ب سه‌روكاتیا (پ.مصلح دهۆكى) سه‌روكێ زانكۆیا ناڤبرى كر.
دهه‌ڤدیتنه‌كێدا به‌حسێ ره‌وشا زانكۆیا دهۆكێ و پروسا خاندنێ وكێم وكاسیێن دهێنه پێش ب گشتى هاته كرن .
پارێزگه‌رێ دهۆكێ په‌سنا رولێ ئه‌كادیمى وزانستى یێ زانكۆیا دهوكێ كر كو شیایه ل ساڵێن ده‌ربازبوى ژماره‌كا ماموستا و بسپور وخودان باوه‌رنامێن زانستى دبوارێن جودا جودا پێ بگه‌هینیت كوخزمه‌تێ ل ناڤ سازیێن حكومه‌تا هه‌رێما كوردستانێ پێشكێشبكه‌ن وخواست كو زانكۆیا دهوكێ به‌رده‌وام دپێشكه‌فتنێ دا بیت وماموستا وشاره‌زا وكادرێن پێشكه‌فتى پێ بگه‌هینیت وپشته‌ڤانیا پارێزگه‌هێ نیشان دا بو هه‌ر هاریكارى وهه‌ڤكاریه‌كێ وسه‌ركه‌فتن بو سه‌روك وماموستایێن زانكۆیا دهۆكێ خواست.
ژلایێ خوڤه سه‌روكێ زانكۆیا دهۆكێ بناڤێ خو وشاندێ دگه‌ل دا پیروزباهیا پارێزگه‌رێ دهۆكێ كر ب هه‌لكه‌فتا وه‌رگرتنا پوستێ پارێزگه‌ریا دهۆكێ وچه‌ند پێدڤى وئاریشێن زانكۆیا دهۆكێ به‌رچاڤكرن بو وێ یه‌كێ ل ئاینده‌ى بهێنه چارسه‌ركرن.
