ئه‌ڤرۆ نیڤرۆ 6/9/2020 د.على ته‌ته‌ر پارێزگه‌رێ دهۆكێ پێشوازیا به‌رێز (ڤێنسنت پاپیو) نونه‌رێ ئێكه‌تیا ئه‌ورپا ل هه‌رێما كوردستانێ وشاندێ دگه‌لدا كر.
دهه‌ڤدیتنه‌كێدا به‌حسێ په‌یوه‌ندیێن هه‌رێما كوردستانێ دگه‌ل ئێكه‌تیا ئه‌ورپا وئه‌و هاریكاریێن ئێكه‌تیا ئه‌ورپى ب رێكا رێكخراوێن مروڤایه‌تى بو ئاواره وپه‌نابه‌ران و خوجهێن پارێزگه‌هێ پێشكێشدكه‌ت ب گشتى هاته كرن.
پارێزگه‌رێ دهوكێ خوشحالیا خو ب سه‌ره‌دانێ دیاركر وسوپاسیا نونه‌رێ ئێكه‌تیا ئه‌ورپا وهه‌موو وه‌لاتێن دناڤا ئێكه‌تیا ناڤبرى دا كاردكه‌ن كر ل دۆر ئه‌و هاریكاریێن بو هه‌رێما كوردستانێ ب گشتى وپارێزگه‌ها دهوكێ ب تاییبه‌تى پێشكێشدكه‌ن وخواست ئاستێ وان هاركاریا پتر لێ بهێت وبه‌رهه‌ڤیا پارێزگه‌هێ نیشان دا بو هه‌ر هه‌ڤكاریه‌كێ.
هه‌ژى گوتنێ یه ئێكه‌تیا ئه‌ورپى پشته‌ڤانیا چه‌ندین پروژێن مروڤایه‌تى وخزمه‌تگوزارى ل سنورێ پارێزگه‌هێ دكه‌ت وگرنكترین پروژه ل روژێن ده‌ربازبوى هاتبو ڤه‌كرن ئه‌وژى ڤه‌كرنا قوناغا پێنچێ ژبه‌رفره‌هكرنا نه‌خوشخانا هیڤى یا زاروكان بوو كوئێكه‌تیا ئورپى ب كوژمێ 220هزار یورویا پشكدارى تێدا كربو.
