ب هه‌لكه‌فتا ده‌ربازبونا 50 ساڵا ل سه‌ر دامه‌زراندنا ئێكه‌تیا زانایێن ئاینێ ئیسلامى كوردستان بناڤێ خو وكارگێریا پارێزگه‌ها دهۆكێ پیروزباهیێ ل سه‌روك وهه‌موو ئه‌ندام وماموستایێن ئاینى یێن ئێكه‌تیا ناڤبرى دكه‌م وهیڤیا سه‌ركه‌فتنێ بو هه‌وه دخازم.
زانایێن ئاینى ئیسلامى كوردستان روله‌كێ گرنگ وبه‌رچاڤ دمێژۆ وره‌وشه‌نبیریا بزاڤا رزگارى خوازا گه‌لێ كوردستانێ دا هه‌بویه ، هه‌روه‌سا رولێ زانایێن ئاینى ئیسلامى كوردستان دپرسێن نیشتمانى وگه‌شه‌پێدانا هزرى یا میان ره‌و وبه‌لافكرنا كلتورێ پێكڤه ژیان وهه‌ڤدوو قه‌بوولكرنێ یێ دیار وبه‌رچاڤبویه وئه‌ڤ هه‌لویسته هه‌رده‌م جهێ خوشحالى و رێزگرتنێ بویه.
هیڤى دارین زانایێن ئاینى به‌رده‌وامبن ل سه‌ر هه‌لویستێن خو یێن ئاشتیانه ورێگربن ژبه‌ڵاڤبونا هزرێن توندره‌و و به‌رده‌وامیێ ب ده‌نه په‌یاما برایه‌تى وپێكڤه ژیانێ ل كوردستانێ وداكوكیێ ل ماف وده‌ستكه‌فتێن گه‌لێ كوردستانێ بكه‌ن وهشیاریا جڤاكى دناڤ خه‌لكێ مه دا به‌ڵاڤكه‌ن وهاندانا هاوڵاتیان بكه‌ن كو پێگریێ ب رێنمایێن ته‌ندورستى بكه‌ن بو وێ یه‌كێ خه‌لكێ مه خو ژ ڤایروسێ كۆرونا ب پارێزیت.
دوباره 50سالیا دامه‌زراندنێ ویوبیلا زێرین ل هه‌وه پیروزدكه‌ین .
د. على ته‌ته‌ر
پارێزگه‌رێ دهۆكێ
21-9-2020
