ئهڤرو پشتی نیڤرو 2-9-2015 ب سهرپهرشتیا بهرێز اسماعیل محمد احمد هاریكارێ پارێزگهرێ دهوكێ بو كاروبارێن ئاواره وپهناهندا كومبونهكا ههڤپشك دناڤبهرا رێڤهبهریا گشتی یا پهروهردا پارێزگهها دهوكێ ورێڤهبهریێن پهروهردا ل دهڤهرداریێن پارێزگههێ ورێڤهبهریا گشتی یا پهروهردا پارێزگهها نهینهوا وچهند رێكخراوێن UNوخێر خاز ورێڤهبهرێ كهمپێن ئاواره وپهناهندا هاته ئهنجامدان.
دكومبونێدا بهحسێ هاتنا وهرزێ نوو یێ خاندنێ وچاوانیا چارهسهركرنا ئارشێن قوتابیێن ئاواره لناڤ ودهرڤهی كهمپان ب گشتی هاته كرن. ..
پاش رێڤهبهرێن پهروهردا ل دهڤهرداریان راپورت ل دور كێم وكاسیێن قوتابخانان وئاریشێن قوتابیێن ئاواره بهرچاڤكرن وخواستن كو لایهنێن پهیوهندیدار چارهسهربكهن تایبهتی ئاڤاكرنا قوتابخانان ودابینكرنا میلاكی ژماموستا وفهرمانبهران. ..
هاریكارێ پارێزگهرێ دهوكێ تهكهزكر كو ههڤكاری وهاریكاری دناڤبهرا پهروهردا نهینهوا ویا دهوكێ پتر بهێته خورتكرن بوچارهسهركرنا ههر ئاریشهكێ ههروهسا ژرێكخراوێن پشكدار خواست كو ئهوژی دهاریكاربن بو چارهسهركرنا ئاریشێن خاندنێ یێن قوتابیێن ئاواره تایبهت بو ئاڤاكرنا قوتابخانان وبهرههڤیا پارێزگههێ نیشان بو ههر هاریكاریهكێ بو وێ یهكێ قوتابی ژپروسا خاندنێ نههێنه بێ باركرن.
ههژی گوتنێ یه پشتی تیرورستێن داعش هێرش كریه سهر دهڤهرێن شنگال وزومار ودهشتا موسل پترژ 800هزار كهسا ئاوارهی پارێزگهها دهوكێ بوینه كوپتر ژ(100) كهس ژوان قوتابینه.
