ئه‌ڤرو سپێدێ 10/7/2019 به‌رێز فه‌رهاد ئه‌مین ئه‌تروشى پارێزگه‌رێ دهوكێ ب ئاماده‌بونا فه‌هیم عبدالله سه‌روكێ جڤاتا پارێزگه‌هێ و جێگرێن پارێزگه‌رى كومبونه‌ك دگه‌ل قایمقامێن قه‌زایێن پارێزگه‌هێ ورێڤه‌به‌رێن ئاڤێ یێن په‌یوه‌ندیدار هاته ئه‌نجامدان.
دكومبونێدا به‌حسێ ئاریشا پیڤه‌رێن ئاڤێ ونه‌رازیبونا وه‌لاتییان ل دور بهایێ پسلوێن ئاڤێ كو ل هنده‌ك جها پاره‌كێ زور ژوه‌لاتیان هاتیه وه‌رگرتن وچاوانیا راستڤه‌كرنا بهایێ وان پسولا هاته كرن.
پشتى كومبونێ كونگره‌كێ روژنامه‌ڤانى هاته ل دارخستن لبه‌راهیێ پارێزگه‌رێ دهوكێ ئارمانجا كومبونێ به‌رچاڤكر وگوت: ئه‌م وه‌كو كارگێریا پارێزگه‌هێ وئه‌نجومه‌نێ پارێزگه‌هێ ولایه‌نێن په‌یوه‌ندیدار ل سه‌ربابه‌تێ پیڤه‌رێن ئاڤێ وگازندێن وه‌لاتیان ل دور بهایێن ئاڤێ كومبوین وئه‌ڤ بابه‌ته مه ب تێر وته‌سه‌لى گه‌نگه‌شكر وئه‌م گه‌هشتینه وێ چه‌ندێ كو دڤێت بابه‌تێ ئاڤێ وبهایێ وێ ودانانا پێڤه‌را باشتربهێته رێكخستن كو دبه‌رژه‌وندیا حكومه‌تێ و وه‌لاتیان دابیت چونكو به‌رى نوكه پلانه‌كا باش نه‌هاتبو دانان وئه‌و پلان باش نه‌هاته بجهئینان وكێشه ل سه‌ر ئاستێ كارگێریا پارێزگه‌هێ هه‌روه‌سا بو وه‌لاتیان ژى په‌یدابون له‌ورا مه بفه‌ر دیت ئه‌ڤ بابه‌ته بره‌نگه‌كێ باشتر بهێته رێكخستن.
هه‌روه‌سا پارێزگه‌رێ دهوكێ گوت: دڤێت پێداچونه‌كا رژد ل سه‌ربهایێ ئاڤێ بهێته كرن وبارێ وه‌لاتیان نه‌هێته گرانكرن وبهایێ ئاڤێ وه‌كو به‌رێ ژوه‌لاتیان بهێته وه‌رگرتن هه‌تا كو هه‌موو پێڤه‌ر دهێنه دانان .
هه‌روه‌سا ته‌كه‌زكر كو دڤێت ئه‌و زێده‌گاڤیێن ژلایێ جهێن بارزگانى وخودانێن بیستانان لسه‌ر ئاڤێ هاتینه كرن بهێنه لادان ورێكخستنا ئاڤێ باشتر بهێته كرن چونكو ئاڤ سامانه‌كا زور گرنگه دڤێت ب هه‌در نه‌هێته ب كارئینان وخواست كو كابینا نوو یاحكومه‌تا كوردستانێ بابه‌تى چاره‌سه‌ركه‌ت كو دبه‌رژه‌وه‌ندیا حكومه‌ت و وه‌لاتیان دابیت وژوه‌لاتیان خواست كو هاریكاربن دگه‌ل سازیێن په‌یوه‌ندیدار وئابورێ دمه‌زاختنا ئاڤێ بكه‌ن بو وێ یه‌كێ ئاڤ ب داوه‌رانه بگه‌هیته هه‌موو وه‌لاتیان.
پاش فه‌هیم عبدالله سه‌روكێ جڤاتا پارێزگه‌هێ ته‌كه‌ز كو ئه‌ڤ كومبونه هاتینه ل دارخستن ژبو دوڤ چونا گازندێن وه‌لاتیان ل دور بابه‌تێ پێڤه‌رێن ئاڤێ وبهایێن زور یێن بو هنده‌ك وه‌لاتیان هاتینه ته‌رخانكرن ودا زانین كو جڤاتا پارێزگه‌هێ ژى دێ كومبونه‌كێ ل دور بابه‌تى سازكه‌ت وب هه‌موو ره‌نگه‌كى دێ پشته‌ڤانیێ ل گله وگازندێن وه‌لاتیان كه‌ن هه‌تا بابه‌ت ب ره‌نگه‌كێ دادپه‌روه‌رانه بهێته چارسه‌ركرن.
پاش مدیاكارا چه‌ند پسیار ئارسته كرن وبه‌رسڤ ل سه‌ر هاتنه دان.
