ب هه‌لكه‌فتا یوبیلا زێرین وده‌ربازبونا پێنجى سالا ل سه‌ر دامه‌زراندنا ئێكه‌تیا نڤیسه‌رێن كورد بناڤێ خو وكارگێریا پارێزگه‌ها دهوكێ گه‌رمترین وجوانترین پیروزباهیا ئاراسته‌ى سه‌روك وهه‌موو ئه‌ندامێن ئێكه‌تیا نڤیسه‌رێن كورد دكه‌م ،هیڤى دارین ئێكه‌تیا نڤیسه‌ران پترسه‌ركه‌فتن وپێشڤه‌چونێ دبوارێ ئه‌ده‌بیات وره‌وشه‌نبیرى یا گشتى یا كوردى دا ب ده‌ستڤه‌بینیت .
دامه‌زراندنا ئێكه‌تیا نڤیسه‌رێن كورد پێدڤییه‌كا هزرى یا نه‌ته‌وه‌یى بو ، ئه‌ندام ونڤیسه‌رێن ڤێ ئێكه‌تیێ دژیێ پێنجى سالیێدا ودكاودانێن سه‌خت ودژواردا شیاینه په‌یاما خو یا كوردایه‌تى بگه‌هینن وهزرا نه‌ته‌وه‌یى ل جه‌م تاكه كه‌س وجڤاكێ كوردى به‌ڵاڤ كه‌ت وژماره‌كا ره‌وشه‌نبیر ونڤیسه‌ران پێبگه‌هینیت هه‌روه‌سا بویه سه‌یوانه‌ك بو هه‌مبێزكرنا هزر وبوچونێن جودا جودا ژپێخه‌مه‌ت ده‌وله‌مه‌ندكرنا زمان وكلتور وئه‌ده‌بیاتێن كوردى وپێشئێخستنا دوزا ره‌وایا گه‌لێ كورد.
دوباره ڤێ هه‌لكه‌فتێ ل هه‌موو نڤیسه‌ر وره‌وشه‌نبیرێن كورد پیروز دكه‌ین وداخازا سه‌ركه‌فتنێ بو دكه‌ین.
فه‌رهاد ئه‌مین ئه‌تروشى
پارێزگه‌رێ دهوكێ
10 -2-2020
