ئه‌ڤرو ١٦ی گولانا ٢٠٢٣ێ ب ئاماده‌بونا به‌رێز ” ماجد سه‌ید سالح” جێگرێ پارێزگارێ دهوكێ و “نه‌وزاد كامل” رێڤه‌به‌رێ گشتی ل وه‌زاره‌تا بازرگانی و پیشه‌سازی یا حكومه‌تا هه‌رێما كوردستانێ, ل ئاماده‌ییا دهوك یا كچان پروسا كاراكرنا كارتا ئه‌لكترونی یا ئاهێن خوارنێ ده‌ستپێكر
ئه‌ڤ پروسه هه‌ر ژ ئه‌ڤروكه تا ماوێ دوو هه‌یڤان دێ یا به‌رده‌وامبیت و (١٤٧) قوتابخانه وه‌كو بنگه‌هـ بو ڤێ مه‌به‌ستێ یێن هاتینه ته‌رخانكرن ژوان ژی ل سه‌نته‌رێ پارێزگه‌هێ (١٢) بنگه‌هن, بوزانین پشتی وه‌رگرنا ڤێ كارتێ ژ ده‌ڤ بریكارا پێدفیه سەروک خێزان هەمی ناسنامێن خێزانا خو دگەل پلێتا خو یا ئەلکترونی دگەل خوه ببه‌ته نێزیكترین بنگه‌هـ بو كاراكرنا وێ كارتێ و كارمه‌ندێن بنگه‌هان روژانه هه‌ر ژ دمژمێر ٨ی سپێدێ هه‌تا ٢ی پشتی نیڤرو دێ د خزمه‌ت دابن
د كونگره‌كێ روژنامه‌ڤانی دا هه‌ر ئێك ژ به‌رێزان جێگرێ پارێزگاری و رێڤه‌به‌رێ گشتی داخواز ژ وه‌لاتیان كر ب زوترین ده‌م سه‌ره‌دانا وان بنگه‌هان بكه‌ن دگه‌ل وان پێدفیان و پێگیر بین ب رێنمایان دا بشێین ب زویترین دەم مفاداربن
ناڤێن بنگه‌هێن ل سه‌نته‌رێ پارێزگه‌هێ هاتینه ده‌ستنیشانكرن:
– ئامادەیا دهوک – ئامادەیا شالین – ئامادەیا جەگەر خوین- قوتابخانا لەپ زێرین – قوتابخانا سییەنا – قوتابخانا خەبات – قوتابخانا سەروک – قوتابخانا زڤرین – قوتابخانا رێزان 2 – قوتابخانا ڤەژین -قوتابخانا بەدلیسی – قوتابخانا بلند.
