ئه‌ڤرو سپێدێ 3/ 12/2019 ب ئاماده‌بونا به‌رێزان به‌هزاد على ئاده‌م پارێزگه‌رێ دهوكێ ب وه‌كاله‌ت وحسین خالد قایمقامێ قه‌زا سێمێلێ واسماعیل محمد هاریكارێ پارێزگه‌رى بو كاروبارێن مروڤایه‌تى وچه‌ند به‌رپرسێن حزبى وئیدارى پروژێ یه‌كا چاره‌سه‌ركرنا ئاڤاگران بو سێ كه‌مپا وخوجهێن دهوكێ ل سنورێ ناحیا فه‌یدیێ هاته ڤه‌كرن .
درێ ورسمێن ڤه‌كرنا پروژه‌ى دا په‌یڤێن رێكخراوێن (ACTED)و(GIZ) یا ئه‌لمانى هااتنه خاندن وگرنگیا پروژه‌ى هاته دیاركرن.
پاش پارێزگه‌رێ دهوكێ ب وه‌كاله‌ت دپه‌یڤه‌كێدا ده‌ست خوشى وسوپاسیا رێكخراوێن (ACTED)و(GIZ) یا ئه‌لمانى وباژێرڤانیێن پارێزگه‌هێ وهه‌موو لایه‌نێن دن كر كو ئه‌ڤ پروژێ گرنگ بجه ئینایه .
هه‌روه‌سا ته‌كه‌زكر كو پروژێن چاره‌سه‌ركرنا ئاڤا گران مفایێن خویێن باش هه‌نه ژرویێ ته‌ندورستى وبو كه‌رتێ چاندنێ هه‌روه‌سا بوپاقژ راگرتنا ژینگه‌هێ وخواست كو حكومه‌تا هه‌رێمێ ورێڤه‌به‌ریا گشتى یا باژێرڤانیا وسه‌روكاتیا باژێرڤانیا دهوكێ بیرێ ل چێكرنا ڤان جوره پروژا بكه‌ن وئاریشا ئاڤا گران چاره‌سه‌ركه‌ن .
پاش نونه‌رێ رێڤه‌به‌ریا باژێرڤانیا رونكرن دانه سه‌ر پروژه‌ى وگرنگیا وى بو چاره‌سه‌ركرنا ئاڤا گران .
پاش پروژه ب ره‌نگه‌كێ فه‌رمى هاته ڤه‌كرن وگه‌ریانه‌ك ل ناڤ هاته كرن.
هه‌ژى گوتنێ یه پروژه ل سنورێ ناحیا فه‌یدیێ ل سه‌ر 20دونه‌مێن ئه‌ردى هاتیه دورستكرن و 4 گولێن ئاڤێ یێن مه‌زن بو چاره‌سه‌ركرنا ئاڤا گران هاتینه چێكرن وئاڤا گران ب تانكا دێ هێته ڤه‌گوهاستن ، پروژه‌ى شیان هه‌نه روژانه( 1000هه‌تا 1100)مترێن سێ جار یێن ئاڤا گران چاره‌سه‌ركه‌ت وئاڤ وزبلێ دمینیت بو چاندنێ دێ هێته ب كارئینان ، پروژه ب پشته‌ڤانیا دارایى یا رێكخراوا (GIZ) یا ئه‌لمانى ب كوژمێ ئێك ملیون یورویا هاتیه چێكرن ، ل قوناغا ئێكێ خه‌لكێ كه‌مپێن دومیز ئێك ودومیز دوو وكه‌مپا خانكێ دێ مفاى ژێ بینن ول قوناغا دووێ خه‌لكێ خوجهێن باژێرێ دهوكێ وده‌روبه‌ران دێ مفاى ژێ وه‌رگرن.
