ئەڤرو روژا چارشەمبی رێکەفتی ٢٢-٦-٢٠٢٢ ل هولا ئوتێلا ریکسوس ب ئامادەبونا بەرێز (ماجد سەید سالح) جێگرێ پارێزگارێ دهوکێ و رێڤەبەرێ گشتیێ ئاڤ و سولینان ل هەڤلێرێ دکتور/ لوک، رێڤەبەرێ پروژێ کونێکس بو پێشڤەبرنا شیانێن فەرمانبەرێن هەردوو رێڤەبەرێن ئاڤێ و ئاڤ و سولینان و باژێرڤانیان ل پارێزگەها دهوکێ و هەمی رێڤەبەرێن دهوکێ یێن پەیوەندیدار ب پروژێ کونێکس ڤە و نوینەرا رێکخراوا یو ئێن، دووماهی ب پروژەیێ خو ئینا.
دڤێ رووینشتنێ دا، ب تێرو تەسەلی بەحس ل ناڤەروکا بەرنامێ کونێکس د ماوێ دوو سالێن بوری دا هاتەکرن و هەمی ئەو ئەنجامێن ڤان دووسالان گەهشتینێ ب داتا دانە دیارکرن. هەمی رێڤەبەرێن پەیوەندیدار تێبینی و پێشنیارێن خو ئاراستەیی کومپانیا Gopa کرن و داخازا بەردەوامیا پروژێن بڤی شێوەیی ژێ هاتەکرن.
ل دووماهیێ، جێگرێ پارێزگارێ دهوکێ، سوپاسیا دکتور لوکی و رێکخراوا جی ئای زێد بگشتی کر، ژ بو هاریکاریا وان و ئەنجام دانا ڤان جورە پروژێن گرنگ بو پارێزگەها دهوکێ، بەرهەڤیا خو دا دیارکرن ژ بو هەر جورە کارئاسانیەکا ئیداری و هەماهەنگیەکا پێتڤی ژلایێ پارێزگەهێ و لایەنێن پەیوەندیدارڤە، بو بەردەوامیدانا ڤان جورە و پروژە و پروژێن بەرفرەهتر و پێتڤی بو پارێزگەها دهوکێ..
پرۆژێ کونێکس، پروژەیەکێ بەرفرەه و تایبەتبو، بو راهێنان و پێشڤەبرنا شیانێن فەرمانبەرێن هەردوو رێڤەبەرێن ئاڤا دهوکێ و ئاڤا سولینان و باژێرڤانیان، بو چەوانیا کارکرن و پێشڤەبرنا ئیدارەنێ، ئەڤ پروژەتە ب پشتەڤانیا رێکخراوا GIZ یا ئەلمانی و ژلایێ کومپانیا Gopa یا ئەلمانی دهاتە بجهئینان.
