بو دوویڤ چونا ره‌وشا پشكدارێن خولا پله به‌رزكرنێ یا ئه‌فسه‌رێن هێزێن نافخویى ئه‌ڤرۆ سپێدێ رۆژا دوو شه‌مبى 1/ 8/2022 به‌رێز د.عه‌لى ته‌ته‌ر پارێزگارێ دهۆكێ سه‌را خولا پله به‌رزكرنێ یا ئه‌فسه‌رێن هێزێن نافخویى ل رێڤه‌به‌ریا هاتن وچونێ ل پارێزگه‌ها دهۆكێ ل دومیز دا ژلایێ رێڤه‌به‌رێ هاتن وچونێ وپولیسێن پارێزگه‌ها دهۆكێ ورێڤه‌به‌رێن په‌یوه‌ندیدار پێشوازى لێ هاته كرن.
پارێزگارێ دهۆكێ دپه‌یڤه‌كێدا ل به‌رامبه‌ر ئه‌فسه‌رێن خولێ پیروزباهى ل هه‌موو پشكدارا كر وهیڤى یا سه‌ركه‌فتنێ بو خواست وگۆت: وه‌كۆ ئه‌رك پێدڤى یه هه‌موو ئه‌فسه‌ر وپله‌دارێن هێزێن نافخویى ل دووڤ رێنما ویاسایێن حكومه‌تا هه‌رێمێ كار وخزمه‌تێ پێشكێشبكه‌ن وبره‌نگه‌كێ شارستانى وهه‌ژى سه‌ره‌ده‌ریێ دگه‌ل هالاولاتیان وهه‌ر پێشهاته‌كێ بكه‌ن وخزمه‌تا گه‌ل و وه‌ڵاتى بكه‌ن.
هه‌روه‌سا گۆت: ئه‌ڤ ده‌ستكه‌فته وئازادى یا ئه‌م تێدا به‌رهه‌مێ خوینا شه‌هیدان وپێشمه‌رگێ كوردستانێ یه وژمه‌هه‌موویان دهێته خواستن ئه‌ڤان ده‌ستكه‌فتا باشتر ب پارێزن وسه‌ركه‌فتن بو پشكدارا خواست.
هه‌ژى گوتنێ یه دڤێ خولێ دا وپشتى تاقیكرنێن تایبه‌ت پله‌یا (62) ئه‌فسه‌رێن هێزێن نافخویى دێ هێته بلندكرن.
