ئهڤرو ئێڤاری 19-1-2016 بهرێز فهرهاد ئهمین ئهتروشی پارێزگهرێ دهوكێ پێشوازیا (جون ڤان دیرزاندا) كونسلێ وهلاتێ هولهندا ل ههرێما كوردستانێ كر.
دههڤدیتنهكێدا بهحسێ رهوشا پارێزگهها دهوكێ ژرویێ ئابوری ودارایی ورهوشا ئاواره وپهنابهران وشهرێ تیرورستێن داعش یێ ل سهر كوردستانێ سهپاندی وههولێن حكومهتا كوردستانێ وههڤپهیمانیا دهولهتی بو كێمكرن و نههێلا وان قهیرانان ب گشتی هاته كرن.
دكونگرهكێ روژنامهڤانی دا پارێزگهرێ دهوكێ خوشحالیا خو ب سهرهدانا كونسلێ وهلاتێ هولهندا بو پارێزگههێ دیاركر وئاماژه دا وان بابهتێن دگهل كونسلێ هولهندا هاتینه گوتوبێژكرن كو سێ تهوهرێن سهرهكی بون ئهوژی رهوشا ئاواره وكهمپان وشهرێ دژی داعش وقهیرانا دارایی وئابوری ورێكێن چارهسهركرنێ ، وسوپاسیا وهلاتێ هولهندا كر ل دور هاریكاریێن مروڤایهتی ویێن لهشكری یێن بو ههرێما كوردستانێ پێشكێشكرین وخواست كو هولهندا یا بهردهوامبیت ل سهر هاریكاریێن خو بو كوردستانێ.
كونسلێ هولهندا گوت:ئهم بهردهوامین ل سهر هاریكاریا ههرێمێ ومه 100راوێژكار ل كوردستانێ وئیراقێ ههنه بو مهشق وراهێنانا پێشمهرگهی وهێزێن ئیراقێ ههروهسا مه چهند فروكێن شهری ژی ههنه بولێدانا تیرورستێن داعش ههروهسا ژسالا 2014وهره مه تا نوكه پتر ژ(50) ملیون یورویا وهكو هاریكاری بو ئاواره وپهنابهران تهرخانكرینه وب رێكا رێكخراوێن UNوNGOهاتینه مهزاختن ههروهسا دبیاڤێ ئهكادیمی وچاندنێ دا ژی مه هاریكاریا ههرێمێ كریه.
لدور چاوانیا هاریكاریكرنا ههرێما كوردستانێ ودهربازبون ژقهیرانا داریی وئابوری گوت: ئهم دێ هاریكاریا كهرتێ تایبهت كهین نهخاسمه كهرتێ چاندنێ كو بهێته پێش ئێخستن وئهم دێ دگهل حكومهتا كوردستانێ پتر گهنگهشا ل دور بابهتی ئهنجامدهین.
