بەیان
هاولاتیێن خوشتڤیێن پارێزگەها دهوك
یا ئاشکەرا یە کو ڤایروسێ کورونایێ زۆربەی وەلاتێن جیهانێ یێت ڤەگرتین و هەمی هێز و شیان ب رێکێن زانستی گرتینە بەر و بزاڤا مان و نەمانێ یا دهيتە کرن بو بەرگری کرنێ ژڤی ڤایروسێ کوژەك.
هەر ژ دەسپێکێ هەمی ئامادەکاری برێکا زنجیرەکا کومبونا هاتنە ئەنجامدان ژلایێ کارگێریا پارێزگەها دهوك و دام و دەزگەهێن ساخلەمی و پەیوندیدار لێ چونکی باشترین رێك بو پاراستنا ژیانێ مانا د مالدایە ب گەرمی سوپاسیا خەلکێ خو دکەین بو پێگریا وان ب رێنمایێن ساخلەمیێ لێ هیڤیدارین و داکوکیێ دکەین پتر پێگیرو خوراگربن دا ئەڤ هەوا نە چاڤەرێکری ب کێمترین زیان دەربازبیت
هەروەسا خەلکێ خویێ خوشتڤی ئاگەهدار و دلنیا دکەین کو پلان و بەرهەڤی هاتینە کرن کو د دەرگەهێ ابراهیم خەلیل را هەمی پێدڤیێت ژیانا روژانە وەك ئازوقە و خوراك و فێقی و زەرزەوات ل مارکێتا بهێنە دابینکرن و بەردەست بن هەروەسا دەرمانخانە و پانزینخانە لدویڤ بەرنامەکێ گونجای ڤەکری بن و کارێ ژیانا روژانە نورمال برێڤە بچیت
دووبارە سوپاسیا هاولاتیێن خویێن خوراگر و خوشتڤی دکەین بو هەڤکاری و هاریکاری و پێگریا وان ب هەمی رێنمایێن هاتینە ئاراستەکرن و داخازێ دکەین هێشتا پتر و بەردەوام پێگیر بن دا گیان و ژیان د پاراستی بن
ئەڤ سالە بارانەکا ئێکجار زۆر باری و بو ئەگەرێ رابونا لەهیا د ئەنجامدا زیانەکا زۆر گەهاندە هاولاتیێن مە یێت خوشتڤی.
وەکو ئەرکەکێ نشتیمانی و مروڤایەتی بەرهەڤیێن بلەز هاتنە ئەنجامدان بو قەرەبوکرنا وان زیان ڤێکەفتیان و ب سوپاسی ڤە جەنابێ سەروکێ هەرێما کوردستانێ بەرێز نێچیرڤان بارزانی و جەنابێ سەروکێ حکومەتا هەرێما کوردستانێ بەرێز مەسرور بارزانی د وەختدا پەیوەندیێن تەلەفونی دگەل مەدا کرن و برێکا نوینەرێن جەنابێن وان هاریکاری هنارتن و گورەی لێژنەکا شارەزا و دادپەروەرانە دێ هێنە بەلاڤ کرن بو قەرەبویا وان زەرەرمەندا، لێ ئاگەهداریا خەلکێ خو و تیمێن بەرگریێ دکەین کو وەرزێ باران بارێنێ هێشتا بدوماهیك نە هاتیە لەورا پێدڤیە د ئامادەباشیێ دا بین بو هەر رویدانەکا لەهیا یا نەچاڤەرێکری دا گیان و سەرو سامانێ هاولاتیان یێ پاراستی بیت.
ب ناڤێ کارگێریا پارێزگەها دهوکێ ب گەرمی سوپاسیا تیمێن ساخلەمیێ و هێزێن نافخو و هەمی قائیممقام و دام دازگایێن خو دکەین کو ب شەڤ و رۆژ بیێ راوستان د ئەرکێ خویێ نشتیمانی و مروڤایەتی دانە و دێ بەردەوام بین دا کوردستان یا پاراستی بیت ژێر چاڤدێریا خودایێ مەزن و دلوڤان.
ژورا عملیاتا پارێزگەها دهوك
25/3/2020
