ئەڤرۆ سپێدەهیا رۆژا ئێکشەمبی رێکەفتی ٢٠ی چریا دووێ ٢٠٢٢ێ ب سەرپەرشتیا بەرێز “د.عەلی تەتەر” پارێزگارێ دهۆکێ و ب ئامادەبوونا جێگرێ پارێزگاری و دامودەزگەهێن پەیوەندیدار کۆمبوونا لژنا سەرپەرشتیکرن و دانانا سیستەمێ غازێ LPG هاتە ئەنجامدان.
دکۆمبوونێدا دوپاتی ل بجهئینانا رێنمایێن سالا بوری یێن لژنا ناڤبری و کارگێریا پارێزگەها دهۆکێ هاتەکرن، دپەیڤەکێدا پارێزگارێ دهۆکێ دۆپاتکر بابەتێن سلامەتیا گشتی و بەرژەوەندیا گشتی پێڤە گرێدایی ب بەرژەوەندیێن تاکی نادەین و نابیت بجهئینانا ڤان رێنمایان بهێتە پشتگوهـ هاڤێتن.
پارێزگارێ دهۆکێ ب لژنا ناڤبری راگەهاند: چ پێدڤیە دگەل کۆمپانیێن تایبەتمەند بۆ پاراستنا سلامەتیا هاولاتیان بهێتەکرن، بابەتێن هوشیاریا بکارئینانا سیستەمێ غازێ بهێنە زێدەکرن.
هەروەسا پارێزگارێ دهۆکێ دیارکر بو هەر کەمتەرخەمیەکێ دێ پێرابوونێن یاسایی هێنە وەرگرتن. ل دوماهیێ پارێزگارێ دهۆکێ دەستخوشی ل لژنا سەرپەرشتیکرن و دانانا سیستەمێ غازێ کر و هیڤیا سەرکەفتنێ خواست.
