ئه‌ڤرو سپێدێ 9/ 12/2019 به‌رێز فه‌رهاد ئه‌مین ئه‌تروشى پارێزگه‌رێ دهوكێ پێشوازیا شانده‌كێ ژینگه پارێز وپێشئێخستنا چاندنێ یێ سوێدى كر.
شاند یێ پێك هاتى بوو ژبه‌رێزان (شێل فورس ) شاره‌زا دبوارێ بایلوجى وژینگه‌هێ دا و(سوهه‌یله فورس) ئه‌نداما سه‌ركردایه‌تیا پارتا دیموكراتیا مه‌سیحى ل سوید /جڤاك ناس و(گوران ئه‌میرى) شاره‌زا دبوارێ بایلوجى وژینگه‌هێ دا.
دهه‌ڤدیتنه‌كێدا ب ئاماده‌بونا رێڤه‌به‌رێ گشتى یێ باژێرڤانیان ل پارێزگه‌ها دهوكێ به‌حسێ ره‌وشا ژینگه‌ها كوردستانێ وچاوانیا پێشئێخستن وپاراستنا وێ ب رێكێن زانستى تایبه‌ت پاراستنا دارستانا وئه‌و عه‌ردێ مه‌رتسى ل سه‌ر كو ب هه‌رفیت هاته كرن.
دته‌وه‌ره‌كێ دن دا به‌حسێ ره‌وشا كه‌رتێ چاندنێ وچاوانیا پێش ئێخستنا وى كه‌رتى وچاوانیا پێشئێخستنا پروژێن رێڤه‌به‌ریا گشتى یا باژێرڤانیێن پارێزگه‌هێ هاته كرن.
پارێزگه‌رێ دهوكێ خوشحالیا خو ب سه‌ره‌دانا شاندێ ناڤبرى دیاركر وده‌ست خوشى ل كار وبه‌رنامێن وان كر بو پاراستن وپێشئێخستنا پروژێن (چاندنێ وباژێرڤانیان) وژینگه‌ها سروشتى یا كوردستانێ وپشته‌ڤانیا كارگێریا پارێزگه‌هێ نیشان دا بو به‌رنامێ شاندى وسه‌ركه‌فتن بو خواست.
شاندێ ژینگه پارێز یێ سوێدى لبه‌ره هه‌ڤدیتنا دگه‌ل زانكو وسیاسه‌تمه‌دار وبسپورێن ژینگه‌هێ وچاندنێ ل پارێزگه‌ها دهوكێ ئه‌نجامده‌ت وگه‌نگه‌شا لسه‌ر به‌رنامێ خو یێ ژینگه پارێزیێ ئالوگوركه‌ن بو وێ یه‌كێ مفا ژهزر وبیرێن وان بهێته كرن ولدوڤ پلانه‌كا گشتگیركه‌رتێن ناڤبرى بهێنه پێشئێخستن.
