دهۆک ژ وان جهێن هەرە کەڤنارە یێن ب درێژاهیا ديروكێ ژیان لێ هەی و شینوارێن وێ بەلگەنە و سەلماندنا کەڤناری و رەسەناتیا وێ دکەن.
پارێزگەھا دهوك جهەکێ ستراتیجی یێ گرنگه، و دبيته پرا د ناڤبەرا كوردستانێ و عیراقێ دگه ل وه لاتێ توركيا، و ژلایەکێ دی ڤە كوردستانێ و وەلاتێ سوريا پێکڤه گرێ ددەت. هەروەسا رێکا سەرەکی یا بازرگانی یە بۆ پارێزگەهێن دی یێن هەرێما کوردستانێ و عیراقێ.
دەشت و چیایێن دهوك خودان ئاخەکا ب پیت و بزاخن، هەروەسا سەقایەکێ گونجای و ئاڤەکا ساخلەم، لەورا ناڤدار بویە ب بەرهەمێن چاندنێ، و هەروەسا ژبەر دیمەن و سروشت و چیا و گر و نهالێن وێ، دهوك بویە جهەکێ گەشت و گوزاری یێ گرنگ و ناڤدار ل سەر ئاستێ هەرێمێ و عيراقێ.
ژلايێ جڤاکی ڤە، پارێزگەها دهوكێ جهێ پێکڤەژیانێ بویە باشترين نموونه بوويه بۆ ئاشتى و پێكڤەژيانا ئايينى و
نەتەوەيى و جڤاكى.
ژبەر ڤان هەموو ئەگەران و فشار و داخوازا سەركردايەتيا شورەشا ئيلونا مەزن و رێبەرێ كورد بارزانیێ نەمر، لەورا بریار هاتە دان کو ل 27/5/1969 دھۆک ببیتە پارێزگەهـ .
ژلایێ شورەشگێری ڤە خەلکێ دهوکێ رولەکەێ قارەمان و بەرچاڤ هەبوو د شورەشێن کوردی دا و هەمی دەما بەرگری ژ ئاخ و وەلاتی کریە و دوماهیک شەرێ دژی تیرورستێن داعش شەرێ مان و نەمانێ کریە و زوورترین ژمارا شەهیدێن کوردستانێ ژ دهوکێ بووینە و هەتا نوکە ژی پێشمەرگێن قارەمان ل بەروکێن شەری د ئەرکێ خو یێ پیروز دانە.
هەروەسا دهوك بویە پەناگەهەك بو ستەم لێکریا و ژمارەکا زور ژ براییێن کوردێن روژئاڤا هەروەسا وەلاتیێن عەرەب قەستا دهوكێ کرینە و هەتا نوکە ژێ ل پارێزگەها دهوك ب رێزگرتن ئارام دژین و دهوك دێ هەرمینیت پارێزگەها پێکڤەژیانێ
هزار سلاڤ ل گیانێ وان شەهیدێن گیانێ خو کریە قوربان و سلاڤ بو مالباتێن وان هەروەسا رێز و سلاڤ بو وان پێشمەرگێن بەردەوام د ئەرکێ خودا، دا تەناهی و ئارامی یا بەردەوام بیت.
هیڤیدارین هەلکرنا شەمالکا پارێزگەهبوونا دهوك یا ئەڤسالە ببیتە ئەگەرێ بەرقەراربوونا ئاشتی و تەناهیێ و خەلکێ مە یێ پاراستی بیت ژ پەژیکا کورۆنایێ و وەلاتیێن مە جارکا دی ل دەمەکێ نێزیك ب شێوەکێ سروشتی بچنە سەر کارێن خو.
دوبارە روژا پارێزگەهبوونا دهوکێ 27/5/2020 ل هەمی ئاکنجیێن سنورێ پارێزگەها دهوکێ پیروزبیت دگەل داخوازا پێشکەفتنێن مەزن و ژیانەکا خوش و ئارام
بۆ ھەموو لایەکی.
فەرهاد ئەمین ئەترووشی
پارێزگەرێ دهۆكێ
