ئه‌ڤرو ٢٠ێ خزیرانا ٢٠٢٣ێ ب مه‌ره‌ما دارێشتنا پلانه‌كا باش بو روژانێن جه‌ژنا پیروز یا قوربانیا و روب روبونا مه‌ترسیا به‌لاڤبونا تایا خوین به‌ربونێ ب سه‌رپه‌رشتیا به‌رێز “شمعون شلیمون ایشو” جێگرێ پارێزگارێ دهوكێ و ب ئاماده‌بونا ده‌ڤه‌ردارێ قه‌زایا دهوكێ و چه‌ند نونه‌ر و رێڤه‌به‌رێن داموده‌زگایێن جودا رونشتنه‌ك هاته ئه‌نجامدان
د رونشتنێ دا دامو ده‌زگایێن ئێمناهیێ و ساخله‌میێ و ژینگه‌هێ و هاتنو چونێ و ئاینی و یێن جودا هاتنه راسپاردن د خزمه‌تا وه‌لاتیاندابن و بو پاراستنا گیانێ وان ژ مه‌ترسیا تایا خوین به‌ربونێ ب هویربینی چاڤدێریا پروسا ڤه‌كوشتنا قوربانان بكه‌ن و رێ نه‌هێته‌دان هیج جوره گوشته‌ك بێی ده‌ستیریێن ساخله‌میا جهێ ژێ هاتی و رازه‌مه‌ندیا ساخله‌میا پارێزگه‌هێ ده‌رباز ببیت, هه‌روه‌سان داخواز ژ وه‌لاتیان هاته كرن قوربانیێن خوه بتنێ ببه‌نه كوشتارگه‌هان ئانكو ل ,مه‌یزه‌ران, و ل هه‌ر چوار روژێن جه‌ژن دێ دڤه‌كریبن ئه‌ڤه‌ژی بو وێ یه‌كێ د پاراستیبن ژ هه‌ر نه‌خوشیه‌كێ و ژینگه‌هاخوه ب پارێزن ژ پاشمایێن قوربانیا و دیاردا فه‌كوشتنا وان دناڤ مالان و تاخاندا نه‌مینیت گیانێ خوه و كه‌سوكار و زاروكێن خوه ب پارێزن.
