بەردەوامیدان ب گەهاندنا پرۆژێن خزمەتگوزارى بو خەلکێ پارێزگەهێ ئەڤرۆ سپێدێ رۆژا چارشەمبى 14/خزیرانێ /2023 ێ ل گوندێ گوندک ل دەڤەرداریا ئاکرێ بەرێز د.عەلى تەتەر پارێزگارێ دهۆکێ ب ئامادەبونابەرێزان مەردان خدر بەرپرسێ لقێ 9 یێ پارتى وشەعبان خەلیل دەڤەردارێ ئاکرێ ب وەکالەت وچەند بەرپرسێن حزبى وئیدارى بەرێ بنیاتى بو ڤان پرۆژان دانا:- (سەخبێکرنا رێکا گوندێ گوندک ب درێژاهیا 7کم وسەخبێرکرنا رێکا گوندێ شەرمنێ ب درێژاهیا 800مترا وسەخبێرکرنا رێکا گوندێ شوشێ ب درێژاهیا 3،5کم وسەخبێرکرنا رێکا نهاڤا وچەم سماق ودوستان وخەلین ب درێژاهیا 10کم وسەخبێرکرن وقێرکرنا رێکا گوندێن شەرەفونا وئیستریان وکەندە کول وچێکرنا عومبارەکێ وتورا ئاڤێ بو گوندێ زەنتا وبیرەکا ئاڤێ بو شەرمنێ وپرۆژێ ئاڤێ ل گوندێ زانا وچێکرنا تورێن ئاڤێ ل سەنتەرێ ناوچەداریا گردەسین وگوندێن بەدریکێ ودرەش ودرین شێخ ومام خەلیفە وکێلە بسمیران وکولانا بیرا ژمارە 15بو پرۆژێ ئاڤا گردەسین وچێکرنا تورێن ئاڤێ بو گوندێن کێلە سینان وکێلاتێ وماندیان ژور وبەبیناوا و تورا ئاڤا گوندێ گمێ وسوسنا وخربە ژێر وسمیلان وخرکا وچێکرنا تورێن ئاڤێ ل تاخێن کانى زەرکێ وگولان وپیشەسازى دگەل بیرا تاخێ شەهیدان ل ئاکرێ ).
ل دور پرۆژان پارێزگارێ دهۆکێ گوت: ئەڤرو مە بەرێ بنیاتى بو هژمارەکا پرۆژان ب کوژمێ سێ ملیار وحەفت سەد وسیه وچار ملیون دینارا دانا ئەڤ پرۆژە سەخبێرکرن وقێرکرنا هندەک رێکا بوو و چێکرنا پرۆژێن ئاڤێ .
هەروەسا گوت: ل دووڤ راسپاردێن بەرێز مەسرور بارزانى سەروکێ حکومەتا هەرێما کوردستانێ وپشتى جەنابێ وى سەرەدانا دەڤەرێن ئاکرێ وبەردەرەش کرى بەردەوام دێ پرۆژێن خزمەتگوزارى بو خەلکێ دەڤەرێ هێنە دابینکرن و ل ئایندەکێ نێزیک دێ هژمارەکا نوو یا پرۆژان هێنە راگەهاندن بو خزمەتکرنا هاولاتیێن دەڤەرێن ئاکرێ وبەردەرەش.
