ئەڤرۆ ئێڤارى رۆژا سێشەمبى 11/تەموزێ /2023 ێ ل هولا رەوشەنبیرى ل سەنتەرێ باژێرێ ئاکرێ و ب پشتەڤانیا رێزدار مەسرور بارزانى سەروکێ حکومەتا هەرێما کوردستانێ وب چاڤدێریا بەرێز د.ئارام محمد قادر وەزیرێ خاندنا بلند وڤوکولینێن زانستى وبەرێز د.عەلى تەتەر پارێزگارێ دهۆکێ وچەند بەرپرسێن حزبى وئیدارى وناڤەندێن زانستى ل دهۆک وئاکرێ وبەردەرەش وخەلکێ دەڤەرێ رێ ورسمێن ڤەکرنا زانکویا ئاکرێ بو زانستێن کردارى هاتنە گێران .
دڤان رێ ورسمان دا چەند ئایەتێن قورئانا پیروز هاتنە خاندن وماموستا سەمیر محو پەیڤا بخێر هاتنێ پێشکێشکر .
پاش جودا جودا پارێزگارێ دهۆکێ وسەروکێ زانکویا دهۆکێ وسەروکا زانکویا پولى تەکنیکى یا دهۆکێ و وەزیرێ خاندنا بلند پەیڤێن خو پێشکێشکرن وسوپاسیا سەروکێ حکومەتا هەرێما کوردستانێ کرن ل دور ئەو پشتەڤانیا کرى بو ڤەکرنا زانکویا ئاکرێ هەروەسا پیروزباهیا خەلکێ دەڤەرداریێن ئاکرێ وبەردەرەش وهەموو خەلکێ کوردستانێ کرن بو ڤەکرنا زانکویا ئاکرێ وتەکەزکرن کو ئەڤ زانکویە دەستکەفتەکێ مەزنە بو هەموو خەلکێ کوردستانێ وپشتەڤانیا سازیێن خو دیارکرن بو پێش ئێخستنا زانکویا ناڤبرى .
