ئەڤرۆ رۆژا چوارشەمبی١٨ گۆلانا ٢٠٢٢ێ لهۆڵا كونفرانسا ب
پشكداریا بەرێز “ماجد سید سالح”جێگرێ پارێزگارێ دهوكێ و ب ئاماددەبونا هژمارەكا زورا سەرۆك و ماموستاو قوتابیێن زانكۆیێ ونوێنەرێن حزبی و كارگێری ،رێورەسمێن رێزلێنانێ بو بەرێز “پ.د.مصلح دهوكی” سەرۆكێ بەرێ یێ زانكۆیا دهوكێ هاتە گێران .
درێورەسمێ دا بەرێز “د.داود ئەتروشی” سەرۆكێ زانكۆیا دهوك پەسنا رۆلێ سەرۆكێ بەرێ كر و دگەل وێ خزمەتا پێشكەشی زانكویێ كری و پێش ئامادەبویان ڤە رێز لێ هاتە گرتن و بروانامەك دایێ و ناڤبری ژی دپەیڤەكا كورتدا سوپاسدارێ زانكویێ و پارێزگەها دهوك و هەمی خەلكێ دهوكێ لسەر وێ رێز لێنانێ بوو.
پاش كورتە فیلمەك ل دور ژیان و رۆل و بزاڤێن سەرۆكێ بەرێ یێ زانكویا دهوكێ هاتە نیشاندان .
هەر دڤێ رێورەسمێدا ب دەلیڤە هاتە زانین رێز ل ٦ راگرێت كولیژێت زانكویا دهوك ئەوێن ئەركێت وان بدوماهی هاتی بهێنە كرن .
ل دوماهیا رێورەسما جێگرێ پارێزگارێ دهوكێ رۆلێ سەرۆكێ بەرێ بەرز نرخاندو پشتەڤانیا كارگێریا پارێزگەهێ بو زانكویا دهوكێ دەربری .
بو بوزانین سەرۆكێ بەرێ یێ زانكویا دهوكێ ئێكەم كەس بو ل زانكویێ پلا پرۆفیسورێ وەرگرتی و ل سالا ٢٠١٢ تا ٢٠١٨ سەرۆكێ زانكۆیێ بو
