بو دووڤچونا پرۆژێن خزمهتگوزارى ئهوێن ل كومهلگههێن تهناهى وشاریا ودومیز ل سنورێ دهڤهرداریا سێمێلێ دهێنه ئهنجامدان ئهڤرۆ سپێدێ رۆژا پێنچشهمبى 26/ كانوونا دووێ /2023 ب چاڤدێریا بهرێز د.عهلى تهتهر پارێزگارێ دهۆكێ وب ئامادهبونا بهرێزان خهلیل مهحمود دهڤهردارێ سێمێلێ وچهند رێڤهبهرێن گشتى ، چهند پرۆژه هاتنه ڤهكرن و بهرێ بنیاتى بو چهند پرۆژێن دى هاته دانان .
1- ڤهكرنا پرۆژێ تورێن ئاڤێ ل تاخێ كێڤلا ل كومهلگهها تهناهى .
2- ڤهكرنا پرۆژێ قێركرنا رێكێت نافخویى ل تهناهى دگهل ڤهكرنا پرۆژێ قێركرنا سایدهكى ل جادا 30 مترى ب درێژاهیا (425) مترا ل سنورێ باژێرڤانیا تهناهى ، پاش ههوهكا دارچاندنێ ل جوت سایدێ ناڤبرى هاته ئهنجامدان.
3- دانانا بهرێ بیناتى بو چێكرنا رێكێن نافخویى وچێكرنا سولینێن ئاڤ رێژ ل كومهلگههێن (تهناهى ودومیز وشاریا) .
4- ڤهكرنا پرۆژێ قێركرنا رێكێن نافخویى ل كومهلگهها شاریا.
ههژى گوتنێ یه ههموو پرۆژهیێن ئهڤرو ل تهناهى ودومیز وشاریا هاتینه ڤهكرن وبهرێ بنیاتى بو هاتیه دانان ل سهر بودجا حكومهتا ههرێما كوردستانێ ب گوژمێ (3) ملیار و(140) ملیون دینارا دێ هێنه چێكرن.
ل دور پرۆژان پارێزگارێ دهۆكێ گوت: ئهڤرو مه چهند پرۆژه ڤهكرن وبهرێ بنیاتى بو هندهكێن دى دانا وهكو ڤهكرنا پرۆژێ گههاندنا تورێن ئاڤێ ل تاخێ كێڤلا پتر ژ(600) ماڵا دێ مفاداربن دگهل چێكرنا رێكا وپرۆژێن دى یێن خزمهتگوزارى ههر ئهڤرو مه ب گوژمێ پتر ژ یازده ملیار دینارا پرۆژه رهوانكرینه بو بجهئینانێ وبو ساڵا نوو ژى وپشتهڤانیا بهرێز مهسرور بارزانى سهروكێ حكومهتا ههرێما كوردستانێ مه كومهكا دى یا پرۆژان ههنه و بو ههموو دهڤهرا ب یهكسانى دێ هێنه گههاندن.
