ئەڤرۆ رۆژا چارشەمبی رێکەفتی ١٨ی گۆلانا ٢٠٢٢ێ ب چاڤدێریا بەرێز “د.عەلی تەتەر” پارێزگارێ دهۆکێ و ب بەرهەڤبوونا هژمارەکا زۆر ژ هونەرمەند و رەوشەنبیر و نڤیسەر و رۆژنامەڤان و جەماوەرێ باژێرێ دهۆکێ هولا محەمەد عارف جزیری پشتی دووبارە نیژەنکرنێ هاتەڤەکرن و ئێکەم چالاکی شانۆگەریا “دبیت بهێت”هاتە نیشاندان.
دپەیڤەکێدا بەرێز پارێزگارێ دهۆکێ سۆپاسیا رێزدار “مەسرور بارزانی” سەرۆکێ حکۆمەتا هەرێما کوردستانێ کر بۆ تەرخانکرنا بودجەکا تایبەت بۆ نیژەنکرنا هۆلێ و دەستخوشی ل لژنا سەرپەرشتا پرۆژەی و ئەندازیار و هونەرمەندێن رۆلێ خۆگێرایی کر و پیرۆزباهی ل هەمی رەوشەنبیر و هۆنەرمەند و هەرکەسێ بیرهاتنەک دگەل ڤێ هۆلێ هەی و چالاکی تێدا ئەنجامدایی و لبەرە دداهاتیدا ئەنجام بدەت کر.
پاشان شانۆگەریا “دبیت بهێت” وەکی ئێکەم چالاکی پشتی نیژەنکرنێ ژنڤیسین و دەرهێنانا “نێچیرڤان کەکۆ” و ژنواندنا هژمارەکا هونەرمەندێن بەرنیاسێن پارێزگەها دهۆکێ هاتە نیشاندان.
