ئەڤرۆ ئێڤارى رۆژا ئێکشەمبى 21/گولانا /2023 ێ ب چاڤدێریا بەرێز د.عەلى تەتەر پارێزگارێ دهۆکێ وب ئامادەبونا بەرێزان عەلى عەونى بەرپرسێ لقێ ئێک وچەند بەرپرسێن حزبى وئیدارى پرۆژێ بابلو گاردن یێ گەشتیارى ل سنورێ ناوچەداریا زاویتە هاتەڤەکرن.
پاش ئامادەبویان گەریانەک ل ناڤ پرۆژەى کر وژنێزیک سەحکرە بەرهەڤیا وى بو پێشوازیکرنا گەشتیاران.
پارێزگارێ دهۆکێ دپەیڤەکێدا پیروزباهى ودەستخوشى ل حجى مەشهود خودانێ پرۆژەى کر وهیڤى خاستن کو وەبەرهێنەر ودەولەمەند ب هەڤپشکى هاریکاریا حجى مەشهودى بکەن بو توماکرنا پرۆژێ بابلو یێ مەزن چونکو ئێکە ژپرۆژێن گەشتیارى و دوستێ ژینگەهێ وجوانییەکا تایبەت دایە دەڤەرێ وپشتەڤانیا حکومەتا هەرێما کوردستانێ نیشان دا بو ئاڤاکرنا ڤان جورە پرۆژێن گەشتیارى ژبوپێشئێخستنا دەڤەرێ ژلایێ ئابورى وگەشتیارى.
هەژى گوتنێ یە پرۆژە پێک دهێت ژئاڤاکرنا (34) ڤیلێن جورا وجور زێدەبارى هەبونا مەلەڤانگەه وسکر ومارکێت وباخچە ویاریێن زاروک ومەزنا ودهێتە چاڤەرێکرن پرۆژە ل دوماهیا ئەڤ ساڵە ب دوماهى بهێت وبکەڤیتە دخزمەتا گەشتیاران دا .
ل ساڵا 2014 دەست ب ئاڤاکرنا پرۆژێ بابلو یێ گەشتیارى هاتیە کرن روبەرێ وى دوو هزار دونەمن وەکو دەستپێک تلفریک و پارکێن رەنگا ورەنگ ل ناڤ پرۆژەى هاتینە ئاڤاکرن.
