ئەڤرو رۆژا دووشەمبى رێکەفتى 5 /خزیرانێ /2023 ل هولا کونفرانسا ب ئامادەبونا بەرێز مەلا مستەفا بارزانى وچەند بەرپرسێن حزبى وئیدارى ل عیراقێ وهەرێمێ وبسپور و دوستێن ژینگەهێ وب چاڤدێریا د.عەلى تەتەر پارێزگارێ دهۆکێ کونفرانسێ پەرەپێدانا ژینگەهێ وگوهورینێن کەش وهەواى ل دهۆکێ ل ژێر دوریشمێ “زاڵبون ل سەر پیسبونێن پلاستیکى ” ب سەرپەرشتیا حکومەتا هەرێما کوردستانێ (دەستەیا پاراستن وچاککرنا ژینگەهێ ) وب هەڤکاریا زانکویا دهۆکێ و ئێکەتیا جیهانى بو پاراستنا ژینگەهێ وکەش وهەواى هاتە ئەنجامدان.
د کونفرانسى دا پەیڤ هاتنە خاندن ژوانا پەیڤا رێکخستنا کونفرانسى ژلایێ عبدالرحمن دوسکى هاتە خاندن ، ول دوڤدا پارێزگارێ دهۆکێ دپەیڤەکێدا گوت: پاراستنا ژینگەهێ بویە بابەتەکێ جیهانى و نەتەوێن ئێکگرتى ژى پێڤە دمژولن وگرنگیێ پێ ددەن .
هەروەسا گوت: پاراستنا ژینگەهێ ئەرکێ هەر تاکە کەسەکێ ڤى وەلاتى یە هەروە سا ئەرکێ هەموو سازیێن میرى وکومەلاتى یە ودڤێت گرنگى ب بابەتى بهێتە دان وپاراستنا ژینگەهێ ژمالێ دەست پێ بکەین هەتا دگەهیتە قوناغا زانکویێ وپشتەڤانیا پارێزگەهێ نیشان دا بو سازکرنا ڤان جورە کونفراسان.
پاش پەیڤا وەزارەتا دەرڤە یاعیراقێ وسەروکێ دەستەیا پاراستنا ژینگەها کوردستانێ هاتنە خاندن وگرنگیا پاراستنا ژینگەهێ نیشان دا.
هەروەسا دکورتە فلمەکیدا هندەک دیمەنێن ژینگەها جوانا کوردستانێ هاتنە بەرچاڤکرن.
پاش دپەنەلێ ئێکێ دا هەر ئێک ژ عبدالرحمن سەیدق سەروکێ دەستەیا پاراستنا ژینگەهێ وبریکارێ وەزارەتا ژینگەها عیراقێ وبریکارێ وەزارەتا چاندنا هەرێمێ ونونەرێ وەزارەتا کارەبا کوردستانێ سمینارێن خو پێشکێشکرن.
پاش چەند خەلاتێن رێزگرتنێ هاتنە بەلاڤکرن وهوزانەک ل سەر ژینگەهێ هاتە پێشکێشکرن و ل دوماهیا پەنەلێ ئێکێ هەر ئێک ژبەرێزان د.ئازاد نەجار وهەڤال ئەبوبەکر پارێزگارێ سلێمانیێ ود.رەمەزان حەمزە پەیامێن خول دور پاراستنا ژینگەهێ پێشکێشکرن.
