دبەردەوامیا سەرەدانا شاندێ پارێزگەها دهۆکێ بۆ کۆمارا ئەلمانیا فیدرال ئەڤرۆ رۆژا ئەینی رێکەفتی ١٦ی ئەیلۆلا ٢٠٢٢ێ ب سەرۆکاتیا بەرێز “د.عەلی تەتەر” پارێزگارێ دهۆکێ، سەرەدانا سەنتەرێ راگەهاندنا بەرلینا نوو دا و ژلایێ بەرێز “گیدو بوهسم” بەرپرسێ سەنتەری هاتنە پێشوازیکرن. پشتی گەریانەک دناڤا دەزگەهیدا شاندێ پارێزگەها دهۆکێ ژنێزیک ئاگەهداری ناڤەرۆکا کارێن دەزگەهی بوون. سەنتەرێ راگەهاندنا بەرلینا نوو سەرپەرشتیا شەش رۆژنامێن رۆژانە و دەزگەهێن پەخش و بەلاڤکرنێ “رادیۆ و تیڤی” دکەت. رۆژانە ب ملیۆنان دانەیان دبیاڤێن “سیاسی، ئابۆری، گەشتیاری” و چەندین بیاڤێن دی ل بەرلینا پایتەخت چاپ و بەلاڤدکەن و دگەهنە وەرگر و بینەر و خواندەڤانان.
