ل ژێر دوریشمێ ههولێر نهیا بتنێ یه ئهڤرو سپێدێ 23/12/2021 بهرێز د.على تهتهر پارێزگارێ دهۆكێ ودگهلدا ماجد سید صالح جێگرێ پارێزگارێ دهۆكێ ولیژنا سهرپهرشتیكرنا كومكرنا هاریكاریا بو لێقهومیێن لههیان ل پارێزگهها ههولێرێ ورێڤهبهرا كوچ وكوچبهران سهرا پارێزگهها ههولێرێ دا ژلایێ بهرێزان ئومێد خوشناو پارێزگارێ ههولێرێ وجێگرێ پارێزگارى وكارگێریا پارێزگههێ پێشوازى لێ هاته كرن.
دههڤدیتنهكێدا پارێزگارێ دهۆكێ بناڤێ كارگێریا پارێزگهها دهۆكێ وههموو خهلكێ پارێزگههێ سهرهخوشى گههاندنه پارێزگارێ ههولێرێ وكهس وكارێن لێقهومیێن لههیان وخواست كو خودێ جهێ قوربانیا بكهته بهههشتا بهرین وسهبروههدارێ بدهته كهس وكارێن وان.
ههروهسا گوت: خهما ههولێریا خهما مه ههمیانه ئو وهكو ئهركهكێ نهتهوایهتى ونیشتمانى ههر ژ رۆژا ئێكێ یا ڤێ كارهساتێ مه كهمپینهكا كومكرنا هاریكاریێن مادى ومهعونهى راگههاندبوو وخوشبهختانه خهلكێ پارێزگههێ ب ههموو تهخ وچینڤه هاریكارى پێشكێشى لیژنا سهرپهرشتیكرنا كهمپینێ كریه وئهڤرو ئهم هاتینه وان هاریكاریا بگههینه خهلكێ ههولێرێ وههڤخهمیا خو بگههینینه خهلكێ وێ یێ خوشتڤى.
پاش ئومێد خوشناو پارێزگارێ ههولێرێ دپهیڤهكێدا بخێر هاتنا شاندێ پارێزگهها دهۆكێ كر وسوپاسیا پارێزگارێ دهۆكێ ولیژنا كومكرنا هاریكاریا وههموو خهلكێ پارێزگههێ كر ههمبهر ڤى ههلویستێ كوردپهروهرانه وگوت: ئهم ههموو چاڤهرێى ڤى ههلویستێ مهردانه یێ خهلكێ پارێزگهها دهۆكێ بووین وئهڤ ههولیسته جهێ دلخوشیێ یه وچ جارا ناهێته ژبیركرن.
پاش درێ ورسمهكیدا پارێزگارێ دهۆكێ ئهو هاریكارى رادهستى پارێزگارێ ههولێرێ كرن.
ل دوماهیێ كونگرهكێ رۆژنامهڤانى هاته ئهنجامدان .
ههژى گوتنێ یه هاریكاریێن خهلكێ پارێزگهها دهۆكێ یێن كومكرین بو خهلكێ لێقهمیێ لههیێن ههولێرێ پێك دهاتن ژ نێزیكى(600) ملیون دینارا وشهش ترێلێن كهل وپهلا ژپێدڤیێن جودا جودا دگهل هنارتنا تیمێن تهكنیكى وخزمهتكارى یێن كومپانیێن( داڤین گروپ ولالاڤ) وفهرمانگههێن میرى یێن خزمهتگوزارى كو ههموویان ب پتر ژ(300) ئامیرهتێن جورا وجورا وهكو قهلابه وشهفل وگرێدهر وحهفاره وتانكێن ئاڤێ وپتر ژ(300) كارمهند وكرێكار وپیشهكارا پشكدارى دههوا پاقژكرنا جهێن لههیان دا ل ههولێرێ كریه.
