ئه‌ڤرۆ ئێڤارى رۆژا سێشه‌مبى ١٧ی گۆلانا ٢٠٢٢ێ به‌رێز “د.عه‌لى ته‌ته‌ر” پارێزگارێ دهۆكێ پێشوازیا به‌رێز “دیڤید هانت” كونسلێ وه‌لاتێ بریتانیا ل هه‌رێما كوردستانێ كر.
دهه‌ڤدیتنه‌كێدا به‌حسێ په‌یوه‌ندیێن دووقولى دناڤبەرا هه‌رێما كوردستانێ و ده‌وله‌تا بریتانیا دبیاڤێ سیاسى و ئابورى و بازرگانى و به‌رهێنانێ و سه‌ره‌دانا ڤێ دوماهیێ یا به‌رێز “مسرور بارزانى” سه‌روك وه‌زیرێن هه‌رێما كوردستانێ بو بریتانیا و ئه‌و دیدار وكۆمبوونێن دگه‌ل سه‌روك وه‌زیرێن بریتانیا و به‌رپرسێن وى وه‌لاتى ئه‌نجامداین ب گشتى هاته كرن.
دته‌وه‌ركێ دن دا به‌حسێ ره‌وشا ئاواره وپه‌نابه‌ران ل پارێزگه‌ها دهۆكێ ورولێ حكومه‌تا بریتانیا بو پشته‌ڤانیكرنا هێزێن پێشمه‌رگێ كوردستانێ وهه‌ولێن پێك ئینانا حكومه‌تا نوو یا عیراقێ هاته كرن.
پارێزگارێ دهۆكێ خوشحالیا خو ب سه‌ره‌دانێ دیاركر وپه‌سنا په‌یوه‌ندیێن دێرین دناڤبه‌را كوردستانێ وبریتانیا دا كر و سوپاسیا حكومه‌تا وى وه‌لاتى كر ل دور ئه‌و پشته‌ڤانیا بو خه‌لكێ هه‌رێمێ دكه‌ن وهیڤى خاستن ئه‌و په‌یوه‌ندى به‌رده‌وامبن وپتر پێشبكه‌ڤن .
ژلایێ خوڤه كونسلێ بریتانیا ته‌كه‌زكر كو حكومه‌تا بریتانیا به‌رده‌وام ولسه‌ر هه‌موو ئاستا دێ پشته‌ڤانیێ ل هه‌رێما كوردستانێ كه‌ت .
