ئەڤرۆ رۆژا ئەینی رێکەفتی ٢٣ی خزیرانا ٢٠٢٣ێ بەرێز “د.عەلی تەتەر” پارێزگارێ دهۆکێ دگەلدا وەبەرهێنەر “زکری بەشیر” گەهشتنە هەرێما ئاڤا راین ل کۆمارا ئەلمانیا فیدرال و ژلایێ بەرێز “ناسنايل ليمنسكی” سەرۆکێ دیوانا ئەنجوومەنێ وەزیرێن هەرێما ئاڤا راین و بەرپرسێ پەیوەندیێن دەرڤە ل بارەگایێ سەروکاتیا جڤاتا وەزیران هاتنە پێشوازیکرن.
دهەڤدیتنەکێدا دانوستاندن ل دۆر پێشڤەبرنا پەیوەندیان دبوارێ” ئابۆری، وەبەرهێنان، هێزا پاقژ و چاندن”ێ هاتەکرن. پارێزگارێ دهۆکێ سۆپاسیا گەل و کۆمارا ئەلمانیا دهاریکاریێن مرۆڤایەتی و لەشکەریدا کرن و هیڤیا بەردەوامی و زێدەتر پێشڤەچوونا پەیوەندییان خواست.
دلایەکێ دی یێ هەڤدیتنێدا باس ل پرۆژێن رێکخراوێن خێرخازی یێن کۆمارا ئەلمانیا و هەروەسا پرۆژێن وەبەرهێنانێ ل پارێزگەها دهۆکێ هاتەکرن.
سەرەدانا پارێزگارێ دهۆکێ ب فەرمی بۆ کۆمارا ئەلمانیا چەندین دیدار و هەڤدیتنا دێ بخۆ ڤەگریت ب تایبەتی دگەل وان باژێرێن دەستەخوشکاتی دگەل پارێزگەها دهۆکێ هەین.
