ئه‌ڤرو نیڤرو 7-11-2016به‌رێز فه‌رهاد ئه‌مین ئه‌تروشی پارێزگه‌رێ دهوكێ پێشوازیا شانده‌كێ ده‌زگه‌هێ مینا ل هه‌رێما كوردستانێ ب سه‌روكاتیا به‌رێز محمد احمد اسماعیل سه‌روكێ ده‌زگه‌هی كر.
د هه‌ڤدیتنه‌كێ دا به‌حسێ كار و به‌رنامێن ده‌زگه‌هێ مینان و ئه‌و خزمه‌تا د وارێ راكرن و پاقژكرنا مین و ته‌قه‌مه‌نیان دا پێشكێش دكه‌ن هاته كرن.
د ته‌وه‌ره‌كێ دن دا به‌حسێ هه‌ڤكاریا ده‌زگه‌هێ مینا دگه‌ل هێزێن پێشمه‌رگێ كوردستانێ بو نه‌هێلانا مین و ته‌قه‌مه‌نیا ل سه‌رانسه‌ری ده‌ڤه‌رێ هاته كرن.
پارێزگه‌رێ دهوكێ ده‌ست خوشی ل كار و به‌رنامێن ده‌زگه‌هێ مینان كر وپشته‌ڤانیا پارێزگه‌هێ نیشان دا بو به‌رنامێن ده‌زگه‌هی ل سنورێن پارێزگه‌هێ وسه‌ركه‌فتن بو تیمێن كاری خواست.
