بەردەوامى دان ب گەهاندنا پرۆژێن خزمەتگوزارى بو هەموو دەڤەرا ئەڤرۆ سپێدێ رۆژا پێنچشەمبى 25/گولانا /2023 ێ ب چاڤدێریا بەرێز د.عەلى تەتەر پارێزگارێ دهۆکێ وب ئامادەبونا صالح حەیدەر بەپرسێ لقێ 20 ودەڤەردارێ شێخان بەرێ بنیاتى بو ڤان پرۆژان هاتە دانان.
1- دانانا بەرێ بنیاتى بو چێکرنا رێکێن نافخویى ل کومەلگەها چرەى وسەنتەرێ ناوچەداریا قەسروکێ .
2- دانانا بەرێ بنیاتى بو چێکرنا یاریگەهەکا وەرزشى یا 11 یاریزانى ل قەسروکێ ونووژەنکرنا هەردوو بنگەهێن وەرزشى ل قەسروک وشێخان ونوژەنکرنا هولێن بیرەوەریا ل قەسروک وچرەى وچێکرنا مەدرەج وژورێن کارگێرى یێن یارگەها کەلەکچى ونوژەنکرنا بنگەهێ ساخلەمیێ ل قەسروکێ وپرۆژێن ئاڤا گوندێن کوپێ ومەلا بروان وگرزەنگل و وپرۆژێ تورێن ئاڤێ وعومبارا ئاڤێ ل قەسروکێ.
3- دانانا بەرێ بنیاتى بو چێکرن وسەخبێرکرنا رێکێن گوندێن (چەم ئەرزن گرمیشان ودرین) وەکو قوناغا ئێکێ وقێرکرنا رێکا گوندێ دەرویشان وگەرمک وچێکرنا رێکا گوندێن شێخ هەسن ومامئێزدینا وچرە ودارەتوو وکەلەکچى و گوندێ زیناڤا نووى وزیناڤا حاجو وبو قوناغا دووێ رێکێن گەرمیشان ودرین دێ هێنە قێرکرن.
4- دانانا بەرێ بنیاتى بو کولاانا بیرەکێ ل سنورێ ناوچەداریا ئەتریش ودانانا تورا ئاڤێ بو گوندێ بێبوزیێ وکولانا بیرەکا ئاڤێ بو گوندێ گڤارا وبەرفرەهکرنا تورا ئاڤێ وکولانا سێ بیرا ل سەنتەرێ شێخان وسەخبێرکرنا یاریگەها گوندێ بلان وچێکرنا رێکێن گوندێن نێروەک – دەکان قوناغا ئێکێ هەروەسا ل قوناغا دووێ رێکا گوندێ نێروەک دەکان ب درێاهیا 4،5کم دێ هێتە چێکرن.
ل دور پرۆژان پارێزگارێ دهۆکێ گوت: بهایێ وان پرۆژێن ئەڤرو بەرێ بنیاتى بو هاتیە دانان پترە ژ (4) ملیار و(757) ملیون دینارا هەموو پرۆژێن ساڵا 2022ێ نە کو هەتا نوکە ب رێژا 60-70% هاتینە ئەنجامدان وکەتینە دخزمەتا هاولاتیان دا وتەکەزکر کو دڤێت هەموو پرۆژە ل دووڤ پیڤەرێن ئەندازیارى بهێنە بجهئینان.
